1997 წელს, მაიკლ დელმა შეკითხვაზე, თუ როგორ რას იზამდა სტივ ჯობსის ადგილზე რომ ყოფილიყო ეპლის სათავეში, მიუგო: დავხურავდი ეპლს და აქციონერებს დავუბრუნებდი საკუთარ ფულს. როგორც ეპლის თანამშრომლები ამბობენ, ერთი თვის შემდეგ, ეპლის ოფისში, კედელზე გაკრულ მაიკლ დელის პორტრეტს სტივ ჯობსმა უთხრა: დღეიდან თქვენ ჩვენი სამიზნე ხართ. ამ ამბიდან 14 წლის შემდეგ ეპლი გახდა ყველაზე დიდი ტექნოლოგიური კომპანია საბაზრო ღირებულებით 383 მილიარდი დოლარით, რომელიც დაახლოებით 14-ჯერ მეტია, ვიდრე დელი 27 მილიარდი დოლარით. ეპლის აქციების ფასმა მიაღწია სარეკორდო 413 დოლარს, ხოლო დელის აქციის ფასი 14 დოლარის ფარგლებში მერყეობს.
