შევიძინეთ ახალი მაკი ან გავაკეთეთ სუფთა ინსტალაცია ოპერაციული სისტემის. პირველი ჩატვირთვისას დაგვხვდება აპლიკაციები რომლებიც ჩაშენებულია ოპერაციულ სისტემაში. თუმცა არის რამოდენიმე “გარე” აპლიკაცია რომლის დაინსტალირებაც გაგვიადვილებს ოპერაციული სისტემის გამოყენებას.
AppCleaner
ზოგადად აპლიკაციის დაინსტალირებისას ის თავის ფაილებს ათავსებს ოპერაციულ სისტემაში სხვადასხვა ადგილას. სრულყოფილად რომ წავშალოთ ესათუის აპლიკაცია შეგვიძლია გამოვიყენოთ AppCleaner-ი. ჩართეთ AppCleaner-ი, გადაათრიეთ მასზე ის აპლიკაცია რომლის წაშლაც გსურთ და Delete. AppCleaner-ი სრულიად უფასოა და მისი გადმოწერა შესაძლებელია შემდეგი ბმულიდან.
DropBox
DropBox-ი არის სივრცე ინტერნეტში სადაც შეგიძლიათ ატვირთოთ, შეინახოთ და გააზიაროთ ფაილები. ის არის კროს-ფლატმორმული, ანუ შეგიძლიათ დააყენოთ OS X-ზე, Linux-ზე, Windows-ზე, Android-ზე, iOS-ზე და BlackBerry OS-ზე. DropBox-ის აპლიკაციის საშუალებით თქვენ შეძლებთ რომ გქონდეს ფაილები სინქრონიზებული ყველა მოწყობილობასთან და ასევე შესაძლებელია ვებ საიტიდანაც წვდომა თქვენს ფაილებზე. გადმოსაწერად მიყევით შემდეგ ბმულს.
CCleaner
CCleaner-ი არის ერთ-ერთი ყველაზე პოპულარული აპლიკაცია რომელიც უზრუნველყოფს თქვენი ოპერაციული სისტემის ნაგვისგან გასუფთავებას. დროებითი ინტერნეტ ფაილები, Cookies და სხვა სახის ფაილები გროვდება თქვენს კომპიუტერზე რომელთა გასუფთავებაც შეგიმცირებთ დაკავებული ადგილის რაოდენობას და ასევე სისწრაფეს და სტაბილურობას შემატებს. გადმოსაწერი ბმული.
Google Chrome
ალტერნატიული ინტერნეტ ბრაუზერი. მიუხედავად იმისა რომ OS X-ს მოყვება როგორც Apple-ი აცხადებს მსოფლიოში საუკეთესო ბრაუზერი, არის სიტუაციები როდესაც ესათუის ვებ საიტი არ არის ოპტიმიზირებული Safari-ისთვის (განსაკუთრებით საქართველოში). სწორად ამ დროს საშველად მოდის Google Chrome ბრაუზერი.
Mailtab for Gmail
ნოტიფიკაციების სისტემა მათთვის ვინც იყენებს Gmail-ს. მიყევით ბმულს გადმოსაწერად.
OpenOffice
ოფისის უფასო პაკეტი, რომლის საშუალებითაც შეძლებთ მარტივი და აუცილებელი საოფისე მოქმედებების შესრულებას. რათქმაუნდა არ არის ისეთი მძლავრი როგორიც მაგალითად Microsoft Office-ი, თუმცა რიგითი მომხმარებლისთვის ან ვისაც არ ჭირდება რთული სამუშაოს შესრულება, იდეალურია. OpenOffice-ის გადმოსაწერი ბმული.
Skype
Skype-ის შესახებ ბევრს არ ვისაუბრებ მისი პოპულარობის გამო. უბრალოდ ავღნიშნავ რომ ერთ-ერთი აპლიკაციაა რომელსაც უჭირავს მუდმივი ადგილი ჩვენს კომპიუტერებში. იხილეთ გადმოსაწერი ბმული.
The Unarchiver
ამ აპლიკაციის საშუალებით თქვენ შეძლებთ ნებისმიერი ტიპის არქვისი გახსნას თქვენ მაკ კომპიუტერებზე. რათქმაუნდა იგიც უფასოა. გადმოსაწერი ბმული.
Transmission
Transmission-ის საშუალებით შეგიძლიათ გადმოწეროთ ფაილები ტორენტ ტრეკერებიდან. მარტივი, OS X-ის სტილში შესრულებული აპლიკაცია, რომლის გადმოსაწერად უნდა ეწვიოთ შემდეგ ბმულს.
VLC Media Player
VLC Media Player-ი ერთ-ერთი საუკეთესო აპლიკაციაა ვიდეო ფაილების გასაშვებად ნებისმიერ ოპერაციულ სისტემაზე. კოდეკების ნაკრები აქვს ჩაშენებული, შესაბამისად არ გიწევთ ცალკე მათი მოძიება სხვადასხვა საიტებზე. ბმული.
ზემოთ ჩამოთვილი ყველა აპლიკაცია არის უფასო და ვფიქრობ ნებისმიერ მომხმაებელს გამოადგება მათი ქონა.
ასევე კომენტარებში შეგვიძლია განვიხილოთ ის სხვა “აუცილებელი” აპლიკაციები რომელთან თქვენ იყენებთ და რეკომენდაცია გაუწიოთ მათ.