Microsoft-ის მიერ შემუშავებულ აპლიკაციას Apple Watch-თვის, უკვე შეუძლია საათის მომხმარებელს, დღე-ღამის გარკვეული მონაკვეთისთვის საჭირო სასარგებლო ნათარგმნი ფრაზები მიაწოდოს.
ფუნქცია Time Travel-ის გამოყენებით, საათს თავად გამოაქვს სასარგებლო ფრაზები უცხო ენაზე, დღის მონაკვეთის შესაბამისად. აღსანიშნავია, რომ საათი ენას მას შემდეგ შეარჩევს რაც დაადგენს, თუ რომელ ქვეყანაში იმყოფება მომხარებელი. შეგახსენებთ, რომ Apple-ის პრეზენტაციის ფარგლებში, 9 სექტემბერს, Microsoft-მა წარმოადგინა Office-ის ფუნქცია iPad-თვის.