პირველმა აიფონმა ჩვენი ცხოვრება ძირეულად შეცვალა და სამომხმარებლო ტექნიკის სამყაროში ახალი პერიოდის დასაყისი გვამცნო. მიუხედავად ყველა ხარვეზისა, რაც პირველ მოდელს ჰქონდა, ამ გაჯეტმა მუსიკალური დამკვრელების, ნავიგატორების, პორტატული ფოტო- და ვიდეო-კამერების მწარმოებლებს აიძულა საკუთარი წარმოების დივერსიფიცირება მოხედინათ. 10 წლის განმავლობაში მოხმდარი ცვლილებების შეფასება შესაძლებელია ქვემოთ მოცემულ დიაგრამაზე.
კონსალტინგური კომპანია Statista-ს მონაცემებით, ყველაზე მეტად დაზარალდა პორტატული ვიდეო-კამერების ბაზარი. მათი წილი ამ ათი წლის განმავლობაში 93%-ით შემცირდა. MP3-დამკვრელები და საავტომობილო ნავიგატორები 87 და 80% შემცირდა, შესაბამისად, ხოლო ციფრული ფოტო-კამერები — 66%-ით.
მაგალითად, Garmin, ერთ დროს ძალიან პოპულარული ნავიგატორი, დღეს ახალ ამპლუაში გვევლინება. კომპანიამ დაიწყო ფიტნეს პროდუქციის შექმნა, რომელიც დიდი პოპულარობით სარგებლობს მომხმარებლებში. Canon-მა თავის მხრივ მოახდინა წარმოების დივერსიფიცირება. ახლა ის კონცენტრირებულია სარკიან და უსარკო ფოტო-კამერების შექმნაზე და პრაქტიკულად სრულიად შეწყვიტა იაფფასიანი „სასაპნეების“ წარმოება.
მაგრამ ყველაზე ნათელი მაგალითი iPhone-ის მხრიდან ბაზრის წილის ჩაყლაპვისა არის უშუალოდ კომპანია Apple, რომელმაც თავის ხელით დაასამარა iPod-ები. სწორედ აიფონის წარმატებას უნდა „უმადლოდეს“ კუპერტინო თავის ერთ დროს სუპერ პოპულარული პროდუქტის დასამარებას.