Apple დაამატებს ახალ ხელსაწყოებს დეველოპერებისათვის, რომელთა საშუალებითაც შესაძლებელი იქნება შეიქმნას ერთი აპლიკაცია, რომელიც იმუშავებს როგორც iOS-ში, აგრეთვე macOS-შიც. ამის შესახებ გვატყობინებს Bloomberg.
აპლიკაციები ისე იქნება შექმნილი, რომ მათ შეძლონ მუშაობა სენსორულ ეკრანთან, მაუსთან და ტრეკპადთან იმის მიხედვით, რომელ პლათფორმაზე გამოიყენება. ახალი ფუნქციის დამატება იგეგმება iOS 12-ში და macOS 10.14-ში, შემდეგ წელს. თუმცა გრაფიკი შეიძლება შეიცვალოს.
მოსალოდნელია, რომ სიახლის შესახებ ეფლი WWDC 2018-ზე გვამცნობს. დეველოპერებს ექნებათ საკმარისი დრო იმისათვის, რომ შექმნან სრულფასოვანი აპლიკაციები, რომლებიც სხვადასხვა საოპერაციო სისტემებში იმუშავებენ.
სავარაუდოთ, ახალი SDK ორინტირებული იქნება ძირითადად iOS-ზე და საშუალებას მოგვცემს დავამატოთ Mac-ის მხარდაჭერა, და არა პირიქით.
Bloomberg-ის ანგარიშში არ არის დაზუსტებული, თავსებადი იქნება, თუ არა ამ ტიპის აპლიკაციები tvOS-თან, ან watchOS-თან. ეს საოპერაციო სისტემები საკმაოდ განსხვავდებიან და სავარაუდოთ მათი მხარდაჭერა ამ ეტაპზე არ იგეგმება.
წყარო: 9to5