iPhone-ის პროგრამული უზრუნველყოფის 5 წლიანი ციკლი, რომელსაც ჩვენი საყვარელი კომპანია იცავდა, შესაძლოა წელს შემცირდეს. ფრანგული გამოცემა iPhonesoft.fr-ის მიხედვით, წელს კუპერტინოელები აპირებენ რომ iOS 13-ის მხარდაჭერა ერთდროულად 4 მოწყობილობაზე შეწყვიტონ.
თუ ფრანგულ გამოცემას დავუჯერებთ, Apple-ი გეგმავს არა მხოლოდ iPhone 5S-ზე მხარდაჭერის შეწყვეტას, არამედ iPhone 6 iPhone 6 Plus-ზე და iPhone SE-ზე. ეს იქნება ძალიან მოულოდნელი გადაწყვეტილება, თუ გავითვალისწინებთ იმას, რომ აქამდე iPhone-ებს მინიმუმ 5 წლიანი მხარდაჭერის ვადა ქონდათ.
თუ Apple-ი ამ გადაწყვეტილებას მიიღებს და iPhone 6-სა და 6 Plus-ზე iOS 13-ის მხარდაჭერას გააუქმებს, ეს იქნება ძალიან სარისკო ნაბიჯი, რადგან შესაძლოა დაკარგოს ბევრი ერთგული მომხმარებელი. აღარაფერს ვამბობთ iPhone SE-ზე, რომელიც ჯერ კიდევ ძალიან პოპულარულია.
