5 გაუმჯობესება რომელსაც iPhone Pro-სგან ველოდებით

ჭორების თანახმად Apple-ი წელს ერთ-ერთ ახალ iPhone-ს „Pro”-ს დაარქმევს. როგორც ვარაუდობენ, ახალ სახელს თავისი მიზეზი აქვს, ეს იქნება პირველი სმარტფონი რომელიც დიდ ნაბიჯს გადადგამს პროფესიულ ფოტოგრაფიაში.

უპირატესობები

1. ღამის გადაღების რეჟიმი
2. ცისარტყელასფერი iPhone-ები
3. გაუმჯობესებული წყლისგან დაცვა
4. ბატარეა
5. iPhone-ის ფანქარი

ღამის გადაღების რეჟიმი

ახალი iPhone-ის Pro მოდელი, შეძლებს დაბალი განათების პირობებში ბევრად უკეთესი ფოტო-ვიდეოს გადაღებას ვიდრე წინამორბედი iPhone-ები.

ცისარტყელასფერი iPhone-ები

კომპანიამ როგორც ჩანს ყურადღება მიაქცია კონკურენტ კომპანიებს და ცდილობს გაზარდოს ფერების არჩევანი. წელს ახალი ფერის iPhone-ებს ვიხილავთ.

გაუმჯობესებული წყლისგან დაცვა

სტანდარტული IP68-ს მხარდაჭერა რომელიც Apple-მა iPhone XS-დან შემოგვთავაზა, არ იძლევა გარანტიას სმარტფონის სრულად წყალგაუმტარობაზე. ამიტომ ახლა უკვე ახალ კამერასთან ერთად, iPhone-ის მომხმარებლებს საშუალება ექნებათ უფრო თამამად გამოიყენონ ის წყალქვეშ გადასაღებად.

ბატარეა

iPhone-ი არასდროს ყოფილა ჩემპიონი ამ კომპონენტში. iPhone XR რომელიც სხვა მოდელბზე მეტად ენერგოეფექტურია, ბევრ Android სმარტფონზე დიდხანს მაინც არ ცოცხლობს. ასე რომ, ახალ Pro მოდელში ბატარეა საგრძნობლად გაუმჯობესდება.

iPhone-ის ფანქარი

ალბათ ყველას ახსოვს სტივ ჯობსის ცუდი დამოკიდებულება iPhone-ის ფანქრის მიმართ. თუმცა, ახლა როცა სმარტფონების ზომები საგრძნობლად გაიზარდა, Apple-ში თვლიან რომ ფანქრის მხარდაჭერა სწორი გადაწყვეტილებაა. ფანქრით დიდ ეკრანზე მარტივი იქნება ხელნაწერების გაკეთება, დოკუმენტებზე მუშაობა და ფოტოების დამუშავება.

ჩვენ დიდი სიხარულით ველოდებით Apple-ის 2019 წლის საშემოდგომო ღონისძიებას, მისი გამართვის ზუსტ თარიღს ამ კვირაში გავიგებთ.