ჩვენი საყვარელი კომპანია ერთდროულად უამრავ საპატენტო სამართალწარმოებაში მონაწილეობს, თუმცა როგორც წესი, ესენი ხშირად ე.წ „ტროლებია“. რომელთაც უბრალოდ მცდელობა აქვთ რომ რამდენიმე მილიონი იშოვონ. Apple-ისა და Samsung-ის სასამართლო საქმეებმა ერთ დროს ბევრი ადამიანის ყურადღება მიიპყრო, ხოლო მცირე ზომის კომპანიებთან საპატენტო ომები არავისთვის იყო საინტერესო. აქამდე მცირე ზომის კატეგორიაში შედიოდა Caltech-ის საქმეც.
სასამართლოს გადაწყვეტილებით Apple და Broadcom ვალდებულნი არიან რომ კალიფორნიის ტექნოლოგიურ უნივერსიტეტს (Caltech-ს) საპატენტო უფლებების დარღვევის გამო 1.1 მილიარდი დოლარი გადაუხადონ.
სასამართლო Apple-ის წინააღმდეგ
ინსტიტუტმა ჯერ კიდევ 2016 წელს შეიტანა სარჩელი, რომ ორმა გიგანტმა კომპანიამ Apple-მა და Broadcom-მა დაარღვიეს 2006 წელს გამოშვებული საპატენტო სერია. ეს სერია ეკუთვნის ტექნოლოგიებს, რომელიც იყენებს კოდირებისა და დეკოდირების უფრო მარტივ სქემას მონაცემდა გადაცემის სიჩქარის გასაზრდელად. ისინი ასევე ზრდიან პროდუქტიულობას Wi-Fi სტანდარტებში გამოყენებული მახასიათებლების წყალობით 802.11n და 802.11ac, რომლის მხარდაჭერაც Apple-ის მრავალ პროდუქტს აქვს.
Caltech ირწმუნებოდა რომ Apple-მა პატენტი რამდენიმე მოწყობილობით დაარღვია: iPhone, iPad, iPod touch, Mac, Apple TV, AirPort Express , AirPort Extreme და Apple Watch. კალიფორნიის ტექნოლოგიის ინსტიტუტმა მოითხოვა ნაფიც მსაჯულთა სასამართლო პროცესი, ხოლო სასამართლოს გადაწყვეტილებით: Apple-მა და Broadcom-მა ოთხი პატენტი დაარღვიეს.
აქვე შეგახსენებთ რომ თავად Apple ხშირად იგებს ხოლმე სასამართლო გარჩევებს, 2018 წელს Samsung-ს Apple-ისთვის 539 მილიონი აშშ დოლარის გადახდა დაეკისრა. Apple-მა Samsung-ის წინააღმდეგ პირველი სარჩელი 2011 წელს შეიტანა, სადაც Samsung-ს iPhone-ის დიზაინის პატენტის დარღვევაზე უჩიოდა. კომპანიამ მისი ზიანი მილიარდ დოლარამდე შეაფასა, მაგრამ საბოლოოდ Apple-მა 399 მილიონი დოლარი მიიღო.