Apple-მა გუშინ ღამით iOS 13.5 ყველასთვის გამოუშვა.
ამ განახლებაში Apple-მა გამოასწორა შეცდომები, გააუმჯობესა სტაბილურობა და დაამატა რამდენიმე სასარგებლო ფუნქცია.
პირველ რიგში, დაემატა სისტემაში COVID-19-ით ინფიცირებულების კონტაქტების გამოსავლენი აპლიკაციის ველი, რომელზეც წინა სტატიაში ვისაუბრეთ.
გილოცავთ! Face ID ამოიცნობს პირბადეს!
როდესაც iPhone-ს დახედავთ და გეკეთებათ პირბადე, იგი ავტომატურად მიხვდება და პირდაპირ პაროლის შეყვანას შემოგთავაზებთ. როდესაც ნიღაბი არ გეკეთებათ, Face ID იმუშავებს სტანდარტულად, პრობლემების გარეშე.
ნიღბის ამოცნობა ჩართულია ავტომატურად, მისი გამორთვის ფუნქცია არ გვაქვს.
Apple Music-ის გაზიარება Instagram Story-ში
ახლა უკვე Apple Music-იდან პირდაპირ შეგიძლიათ გააზიაროთ თქვენი მუსიკა მუსიკის სათაურითა და ფოტოთი. მოსმენისას დააჭირეთ გაზიარების ღილაკს და აირჩიეთ Instagram-ი. Instagram-ის მომხმარებლებს მისი გახსნა მარტივად შეეძლებათ.
განახლების ზომა დაახლოებით 18 MB.