კონფერენციები Zoom-ში კოლეგებთან, პირდაპირი ეთერები Instagram-ზე, Youtuebe-ში არსებული გადაცემები, ყოველდღიური სიახლეების წამყვანები და ჟურნალისტები. რა საერთო აქვთ მათ ერთმანეთთან? დიახ — ისინი ყველა AirPods-ს იყენებენ. იქნება ეს AirPods Pro თუ უბრალოდ AirPods-ი, შეიძლება ითქვას რომ ის გახდა თვით-იზოლაციისა და კარანტინის ყურსასმენი. ეს ალბათ საუკეთესო რეკლამაა, რაშიც Apple-ს გადახდა არ მოუწია. ამ სიტუაციით, შეგიძლიათ მარტივად გააცნობიეროთ ის რეკორდული ციფრები რომელიც ყურსასმენების ბაზარზე გვაქვს და აქამდეც ვიცოდით.
ანალიტიკოსების შეფასებით Apple-მა 2017 წელს 14-დან 16 მილიონამდე AirPods-ი გაყიდა, 2018 წელს კი უკვე 35 მილიონს მიაღწია, ხოლო 2019 წელს უკვე მივიღეთ 60 მილიონიანი ნიშნული. რაც შეეხება 2019 წლის ბოლოს გამოსული AirPods Pro-ს გაყდივების შედეგები ჯერჯერობით უცნობია, თუმცა Apple-ში 85-დან 90 მილიონ ერთეულამდე გაყიდვას ვარაუდობენ, რაც არალოგიკური ნამდვილად არ იქნება.
რაში გვჭირდება AirPods-ი?
იმ დროს როცა ყველანი სახლში ვსხედვართ, უდაოდ შეიძლება იმის თქმა რომ AirPods-ი ყველაზე მეტად სასურველი ყურსასმენია. მაგალითად: Netflix-მა ყველა იმ ადამიანს ვინც სერიალ „King of Tigers“-ის ბონუსურ ეპიზოდში მონაწილეობდა, დაურიგა iPhone-ები და AirPods-ები. მიზეზი მარტივია, ის ყველაზე მარტივი გამოსაყენებელია თავისი მარტივი ფუნქციონალით. ამის შემდეგ, ყველა მსახიობს ზუსტად ერთნაირი ვიდეო და აუდიო ხარისხი ჰქონდათ, რაც პროექტის რედაქტირებასაც გაამარტივებდა. ასეთი ჩაწერების მაგიური ფორმულა ბევრმა გაიმეორა, გააგზავნეს მსახიობებთან iPhone, AirPods-ი და შტატივი. 5 წუთი და სატელევიზო რეპორტაჟი მზადაა.
გარკვეული მომხმარებლებისთვის AirPods-ი იყო რიგითი სტატუსიანი მოწყობილობა, მაგრამ ახლა უკვე ის შეუცვლელ მოწყობილობად იქცა, რომელსაც კონკურენცია ვერავინ გაუწია, სწორედ ამიტომ ვხედავთ მათ ყველაზე ხშირად ყველგან. რატომ არის AirPods-ი და არა სხვა ყურსასმენები? Amazon-ის Google-ის Samsung-ის ან სხვა ათობით კომპანიის? პასუხი მარტივია — რადგან არცერთი არ არის ისეთივე მარტივი როგორიც AirPods-ი.
Discussion about this post