მოგეხსენებათ ძალიან მალე, სექტემბერში, Apple-ი ახალ iPhone 12-ს წარმოგვიდგენს. თუ მისი ყიდვა გადაწყვეტილი გაქვთ და iPhone 11-ის გაყიდვას აპირებთ, ჯობია არ დააყოვნოთ.
სანამ Apple-ი ახალ მოწყობილობებს გამოუშვებს, iPhone 11-ის გაყიდვა უფრო მომგებიანია ვიდრე გამოშვების შემდეგ.
Smart Magpie-ს გამოთვლების მიხედვით, ახალი iPhone-ის გაყიდვების დაწყების პირველ თვეში, წინა წლის ფლაგმანი დაახლოებით 11%-ით იაფდება, ხოლო 3 თვის განმავლობაში კი 17%-ით.
შეიძლება ითქვას რომ თქვენი iPhone 11-ის გაყიდვისთვის ახლა საუკეთესო დროა, რა თქმა უნდა მისი გაყიდვა არც მერე გაგიჭრიდებათ, მაგრამ არა იმ თანხაში, რაც ახლა ღირს.
iPhone-ი ყველაზე ნელა კარგავს ღირებულებას
შეგახსენებთ რომ iPhone-ი ამ კომპონენტშიც საუკეთესოა, მასთან შედარებით Android სმარტფონები მნიშვნელოვნად კარგავენ ღირებულებას.
ყველაზე ცუდი კი Huawei-ა, მისი ფლაგმანი 2 წლის შემდეგ საშუალოდ 88%-ით იაფდება. ამავე დროს, იგივე პერიოდში, iPhone-ი მხოლოდ 61%-ს.
