Apple-ისთვის ნეგატიური ამბები თავისი ისტორიის განმავლობაში პერიოდულად ჩნდება ხოლმე, თამამად შეგვიძლია ვთქვათ რომ სახელწოდებით Batterygate პირველ ადგილს იკავებს. მიუხადავად იმისა რომ ჩვენი საყვარელი კომპანიის განზრახვა პოზიტიური იყო და iPhone-ის უცაბედი გადატვირთვებისგან დაცვას და მისი სიცოცლის რამდენიმე წლით გახანგრძლივებას ემსახურებოდა, მომხმარებლებმა ერთმნიშვნელოვნად ნეგატიურად შეაფასა ეს ქმედება. შედეგად Apple-ს მრავალ სასამართლო პროცესში მოუწია მონაწილეობის მიღება და თითქმის ყველგან დამნაშავედ ცნეს.
ვინ მიიღებს ფულს iPhone-ის შენელებისთვის
თუ მომხმარებელი დააკმაყოფილებს სასამართლოს მიერ დადგენილ მოთხოვნებს, ის მიიღებს კომპენსაციას. მოთხოვნა შემდეგია: ზემოთ ჩამოთვლილ მოდელებზე iOS-ს განახლება არ უნდა იყოს მას შემდეგ დაყენებული, რაც ცნობილი გახდა რომ Apple-ი iPhone-ებს ანელებდა. შესაბამისად, ვინც 2017 წლის 21 დეკემბრამდე განაახლა მოწყობილობა iOS 10.2.1-ზე და iOS 11.2-ზე, მას შეუძლია მიიღოს თანხა. დაზარალებულთა საერთო რაოდენობა 2 268 860 ადამიანს შეადგენს.
როგორ უნდა მივიღოთ ფული?
ამისათვის უნდა იყოთ აშშ-ს მოქალაქე ან ლეგალურად მაცხოვრებელი, რადგან ამერიკის სასამართლოს გადაწყვეტილება არ ვრცელდება ქვეყნის გარეთ. თუმცა, ამ განაცხადის შევსება უკვე დაგვიანებულია, მიღების ბოლო თარიღი 2020 წლის 6 ოქტომბერი იყო.