როგორც ანალიტიკური კომპანია IDC აქვეყნებს, 2021 წლის მეორე კვარტალში Mac-ის გადაზიდვები გასული წლის იგივე პერიოდთან შედარებით 9,4%-თ გაიზარდა.
ამ ყველაფრის მიზეზი პირველ რიგში ახალი M1 პროცესორია, რომელიც MacBook-ებთან ერთად უკვე iMac-შიც გვაქვს. მოგეხსენებათ რომ M1-ზე მომუშავე Mac-ები, Intel-ს ბევრ კომპონენტში ჯობნის. იგი ასევე გაცილებით ენერგოეფექტურია.
გარდა ამისა, გაყიდვებს ხელი შეუწყო პანდემიამაც, რადგან მსოფლიოს მასშტაბით სახლიდან მუშაობისთვის ბევრმა ადამიანმა შეიძინა Mac-ი.
მთლიანობაში, 2021 წლის მეორე კვარტალში კომპიუტერების გადაზიდვები 13,2%-თ გაიზარდა და 83,6 მილიონ ერთეულს მიაღწია. [ MacRumors ]