ბოლო ჭორების მიხედვით, Apple-ისგან ხვალ შემდეგ სიახლეებს უნდა ველოდოთ:
◉ მე-3 თაობის iPhone SE იგივე დიზაინით, გაუმჯობესებული პროცესორით და კამერით. ახალი მოდელი ჩაანაცვლებს თავის წინამორბედს, როგორც Apple-ის ყველაზე ხელმისაწვდომი სმარტფონი ამ ეტაპზე.
◉ მე-5 თაობის iPad Air-ი მცირე გაუმჯობესებით.
◉ ახალი Mac mini, რომელიც მიიღებს გლობალურ რედიზაინს და ახალ შესაძლებლობებს. შესაძლოა გვაჩვენონ რამდენიმე მოდელი Apple M2 , M1 Pro და M1 Max ჩიპებზე.
◉ MacBook Pro 13/14″ ლეპტოპის ხაზში ლოგიკური სიახლე იქნება. ის უფრო მძლავრი და პროდუქტიული იქნება ვიდრე ამჟამინდელი MacBook Air-ი, მაგრამ იქნება უფრო იაფი ვიდრე გასული წლის MacBook Pro 14″.
7 მარტის საღამოს მონაცემებით, Apple-მა შესაძლოა iPhone 13-ის ახალი ფერიც წარმოგვიდგინოს, ისევე როგორც წინა წელს iPhone 12-ის შემთხვევაში მოხდა.
ღონისძიება ხვალ, საქართველოს დროით 21 საათზე დაიწყება. მისი ყურება Apple-ის YouTube არხზე და Apple.com-ზე შეგეძლებათ.
