StockApps-ის ანალიტიკოსებმა მობილური მოწყობილობების გლობალური ბაზარი გააანალიზეს და საინტერესო დასკვნამდე მივიდნენ.
2018 წლის ივლისში 77.32%-ს Android მოწყობილობები ჰქონდა, ხოლო 19.4%-ს iPhone-ი და iPad-ი.
2022 წელს სიტუაცია შეიცვალა, ახლა Android მოწყობილობები 69.74%-ს აქვს, ხოლო iOS მოწყობილობები 25.49%-ს. iPhone-ისა და iPad-ის მფლობელების ზრდამ 6% შეადგინა.
როგორც ფინანსურმა ექსპერტმა, ედიტ რიდსმა აღნიშნა, Android მოწყობილობები ყველაზე პოპულარულად რამდენიმე ფაქტორის გამო რჩება:
• ღია კოდი;
• მოწყობილობების გაცილებით დიდი არჩევანი (iOS-თან შედარებით);
• სმარტფონებისა და ტაბლეტების მინიმალური ღირებულება. გაცილებით დაბალი ვიდრე iPhone-ისა და iPad-ის შემთხვევაში;
StockApps-ის კვლევა ასევე მიუთითებს რომ რეგიონებში, როგორიცაა სამხრეთ ამერიკა და აფრიკა, Android-ი მნიშვნელოვნად დომინირებს ადგილობრივ ბაზარზე, რადგან Apple-ის პროდუქტები კონკურენტებთან შედარებით ბევრად ძვირია.
მაგალითად, სამხრეთ ამერიკაში მობილური მოწყობილობების მხოლოდ 10% მუშაობს iOS-ზე, ხოლო Apple-ის ოპერაციული სისტემა ჩრდილოეთ ამერიკაში ბაზრის ნახევარზე მეტს იკავებს. [9to5]
