3 მაისს გამოვიდა ახალი წიგნი სახელად: „სტივის შემდეგ: როგორ გახდა Apple-ი 3 ტრილიონიანი კომპანია და დაკარგა სული“, რომელიც The New York Times-ის ჟურნალისტმა ტრიპ მიკლიმ დაწერა.
წიგნმა ყურადღება განსაკუთრებით ტიმისა და აივის ურთიერთობის დეტალების გამო მიიპყრო.
კერძოდ, ლეგენდარულ დიზაინერს Apple Watch-ის შექმნა „მოდური“ დიზაინით სურდა, მარკეტინგის გუნდი კი მის ხედვას ეწინააღმდეგებოდა. ამ შემთხვევაში კუკი აივის მხარეს დადგა, თუმცა, ეს იყო ერთ-ერთი პირველი მომენტი როდესაც ჯონი აივიმ კომპანიისგან მხარდაჭერა ვეღარ იგრძნო. დიზაინერს ამის შემდეგ კიდევ უფრო არ მოსწონდა ის ფაქტი რომ კომპანიამ მოწყობილობების ნაცვლად ფოკუსირება სერვისებზე დაიწყო.
ვკითხულობთ წიგნში:
„ცოტამ თუ იცოდა მისტერ აივის ბრძოლების სრული მასშტაბები. ცოტამ თუ იცოდა მისი შეტაკების შესახებ Apple-ის ფინანსურ გუნდთან“.
