2007 წელს iPhone-ით Apple-მა რევოლუცია მოახდინა, 2010 წელს კი iPad-ით ახალი სამომხმარებლო სეგმენტი მივიღეთ. 2015 წელს ვიხილეთ Apple Watch-ი, რომელიც 2 წელიწადში მსოფლიოში ყველაზე პოპულარული საათი გახდა. 2016 წლის ბოლოს გამოშვებული AirPods-ი, მორიგი რევოლუცია აღმოჩნდა. ეს ყველაფერი შთამბეჭდავია, მაგრამ სამყაროს რაღაც სჭირდება, მორიგი სიდიადე.
კომპანიის შემდეგი დიდი აღმოჩენა Apple Glasses უნდა გახდეს.
Apple Glasses რომელ მახასიათებელს ველოდებით ყველაზე მეტად
❶ AR ნავიგაცია ინფორმაციის მისაღებად
მნიშვნელოვანი მონაცემები, ინფორმაციები ობიექტებზე, სიგიჟეა! ეს ყველაფერი AR რეჟიმში.
მთავარია ნავიგაციამ არ დაბლოკოს ხედი.
2.ინტეგრირებული აპლიკაციები
დეველოპერებს უამრავი საინტერესო რამის შემოთავაზება შეეძლებათ.
იმისათვის რომ AR პროგრამები მაქსიმალურად ზუსტი იყოს, Apple-ის ჭკვიანი სათვალეები აღჭურვილი უნდა იყოს LiDAR-ით, რომელიც გამოიყენება iPhone 12 Pro-სა და ამჟამინდელ iPad Pro-ში.
მაგალითად YouTube-ის ყურება ჭურჭლის რეცხვის დროს. სათვალე ნაწილობრივ ჩაანაცვლებს საათს.
სათვალეს ასევე შეუძლია შემოგვთავაზოს ვირტუალური დამატებითი მონიტორი, მაგალითად MacBook-ის გვერდით.
3.მხედველების პრობლემის გამოსწორება
Apple-ის სათვალე შესაძლოა დამოუკიდებლად მოერგოს თვალის პრობლემების მქონე ადამიანს.
არა, ეს არ არის ფანტაზია. Apple-ს ასეთი პატენტი უკვე აქვს. სათვალეს საშუალება ექნება ავტომატურად დაადგინოს მხედველობის პრობლემები (მიოპია, ჰიპერპოპია, ასტიგმატიზმი) და გამოასწოროს ისინი მომხმარებლის მხრიდან მოქმედების გარეშე.
სპეციალური ლინზები შეიცვლიან ფორმას, რათა საჭიროებისამებრ მოახდინონ სურათის ფოკუსირება სათვალის მფლობელის ბადურაზე.
4.მიახლოება და ფოკუსირება
Apple-ის სათვალე კამერების სისტემით უნდა იყოს აღჭურვილი. მისი დახმარებით, მაგალითად მუშაობის პროცესში შეძლებთ მხოლოდ MacBook-ის ეკრანის ყურებას, ფოკუსირებულად, ისე რომ გარშემო არაფერი გამოჩნდება. ასევე შეძლებთ მიზუმვას და ყველაფრის ახლოდან ნახვას.
5.Apple Glasses ურთიერთობა სხვა Apple-ის მოწყობილობებთან
სათვალე Apple-ის ეკოსისტემის ნაწილი უნდა გახდეს.
მაგალითად სმარტფონის ეკრანზე ყურებისას, უნდა შეგვეძლოს ავტომატური გაფართოება.
ჩვენ უკვე ვთქვით Mac-ის ვირტუალურ მონიტორზე, იგივე უნდა შევძლოთ iPad-ზე და iPhone-ზე.
ჭკვიანი სათვალე შეიძლება გადაიქცეს უსადენო ყურსასმენად, ამ ეტაპზე მის ადგილს AirPods-ი იკავებს.
როდის ველოდებით?
Apple Glasses ნამდვილად არ უნდა დაველოდოთ 2023 წლამდე. მანამდე Apple-მა რამდენიმე ისეთი ტექნოლოგია უნდა შემოგვთავაზოს, რითიც შეამოწმებს მზად არის თუ არა სამყარო მსგავსი მოწყობილობისთვის.
ინტერნეტ სივრცეში ჩნდება ხოლმე სიახლეები, სადაც წერია რომ Apple-მა შეაჩერა ეს პროექტი, თუმცა ჩვენი აზრით, ეს Apple-ის მიერ შემოთავაზებული მორიგი რევოლუცია იქნება.
