ზოგადად ძალიან რთულია 5, 10, ან მეტი პროდუქტი ჩამოთვალო და დამაჯერებლად დაამტკიცო რომ ისინი ცუდი იყო. ამ სტატიაში შევეცდებით იმ 6 პროდუქტის შესახებ გითხრათ, რომელიც არც ისე კარგი გამოვიდა.
AirPods Max-ის Smart Case – უცნაური დამცავი
ჩვენ ვიცით თუ რამდენად დეტალებში განიხილავს Apple-ი ყველა პროდუქტს, იქამდე სანამ გამოუშვებს. ვიცით რომ გადაწყვეტილებებს ძალიან ფრთხილად იღებენ… ამის ფოზნე რთულია გავიგოთ, როგორ აღმოჩნდა ეს თაროებზე. პირველმა სრულმაშტაბიანმა ყურსასმენმა ზოგადად დიდი ყურადღება მიიქცია, იყო პრობლემები, თუმცა დღეს შედეგი ძალიან დადებითია, გაყიდვების მაჩვენებელი მაღალია, ტიმი კმაყოფილია, ხოლო ამის ფონზე მივიღეთ ერთ-ერთი ყველაზე ცუდი პროდუქტი Apple-ის ისტორიაში, მისი „შალითა“ რომელსაც ჭკვიანი ქეისი დაარქვეს.
iPod Hi-Fi — დინამიკი
ყოველთვის როცა Apple-ის გადაწყვეტილება არ მოგვწონს, ვამბობთ რომ სტივ ჯობსის დროს ასე არ მოხდებოდა. თუმცა, სტივს ბევრად მეტი შეცდომა ჰქონდა, ვიდრე ტიმ კუკს ან ჯონ სკალის. მაგალითად 2006 წლის 28 თებერვალს სტივ ჯობსმა თავის გუნდს Apple Town Hall-ში 7,7 კილოგრამიანი iPod დინამიკი წარმოუდგინა, რომელსაც საკმაოდ უცნაური დიზაინი ჰქონდა და 349 დოლარი ღირდა.
ბაზარზე უამრავი მსგავსი დინამიკი არსებობდა, გაცილებით იაფად და უკეთესი ხარისხით. ერთი წლის შემდეგ ეს მოწყობილობა – iPod Hi-Fi, გასაყიდი პროდუქტებიდან გაქრა. გაყიდვების რაოდენობა უცნობია, თუმცა დანამდვილებით ვიცით რომ ძალიან ცოტა იყო.
MacBook – პეპლის კლავიატურა
ამ კლავიატურის შექმნაში მონაწილეობა მიიღეს ჯონათან აივმა, ჯონ ტერნუსმა და დიზაინერთა გუნდმა. მათ შექმნეს მსოფლიოში ყველაზე თხელი კლავიატურა. მის შესაქმნელად ძალიან დიდი დრო დაიხარჯა და თავიდან აღფრთოვანებაც გამოიწვია. რაღაც დროის შემდეგ რომ არა მისი მარცხი, ტექნიკური ასპექტით, შესაძლოა წარმატებულ პროდუქტადაც კი შეფასებულიყო.
რა თქმა უნდა ყველა გარემოში სრული სისუფთავე არ არის და კლავიატურის პატარა დაბინძურებაც კი დიდ პრობლემებს ქმნიდა, რამაც მსოფლიოს ყველაზე თანამედროვე კლავიატურა ყველაზე ცუდ პროდუქტად გადააქცია.
iPod-ის წინდები
2004 წლის დეკემბერში, შობამდე, Apple-ის საიტზე და Apple Store-ების თაროებზე iPod-ის წინდები გამოჩნდა. მისი ფასი 29 დოლარი იყო და ნაწილობრივ მართლა იცავდა მას დაკაწვრისგან. მიუხედავად სუსტი გაყიდვებისა, იგი 8 წელი იყიდებოდა. არსებობს ვერსია რომ მისი თაორებზე გამოტანის გადაწყვეტილება უშუალოდ სტივ ჯობსმა მიიღო. ეს ჭორია, თუმცა სიმართლის მსგავსი. 2012 წელს როცა უკვე ტიმ კუკი იყო სათავეში, წინდები თაროებიდან გაქრა, ისე რომ არავის გაუგია.
eWorld-ი არის Apple-ის ყველაზე დამღუპველი სერვისი
Apple-ის ცოდვების ჩამოთვლისას, დიდი ეფლის მოყვარულები ყოველთვის ახსენებენ eWorld-ს, .Mac-ს და MobileMe-ს. იქამდე სანამ სტივ ჯობსი iCloud-ს გამოიგონებდა, Apple-ი სერვისების მომსახურებას ვერ ანხორციელებდა. სინამდვილეში AppleLink-ი წარმატებული კომპონენტი იყო, თუმცა eWorld-მა ყველაფერი ჩაშალა. მომსახურება არ იყო იაფი, თუმცა 1996 წლისთვის დაახლოებით 155 ათასი მომხმარებელი ჰყავდა.
რაც შეეხება Apple-ის შემდეგ საკომუნიკაციო პროექტებს (.Mac და MobileMe) სათანადო ხელმძღვანელობის არარსებობის გამო ჩავარდა. ესენი გენიალურად მოფიქრებული სერვისები იყო, თუმცა ყველაფერი სულელური განვითარების გზამ და სიჩქარემ განაპირობა.
iCloud-ი არ განუვითარებია სტივ ჯობსს, ის მან მოიგონა და განავითარეს ედი კიუმ და სხვებმა. ხოლო .Mac-ისა და MobileMe-ს განვითარება სტივ ჯობსის მეთვალყურეობის ქვეშ მიმდინარეობდა.
Apple III არის ყველაზე პრობლემატური Mac-ი
სტივმა მშვენივრად იცოდა რომ ყველაფერი თავისი ბრალი იყო. Apple III-ის დიზაინი 1980 წლისთვის შეიძლება ითქვას საუკეთესოც იყო, თუმცა გადახურების გამო დაფები გამართულად არ მუშაობდა. Apple III-ს პრობლემები ნათლად ჩანდა და 1 წლის შემდეგ იგი თავიდან წარმოადგინეს, სადაც ყველა პრობლემა მოგვარებული იყო, თუმცა ცუდი იმიჯის გამო, ამან აღარ გაამართლა — მას პოპულარობა უკვე დაკარგული ჰქონდა. პოზიტიურად თუ შევხედავთ, რომ არა Apple III-ს ფიასკო, შესაძლოა Macintosh-ის ფიასკო გვეხილა.
