მიმდინარე სტატია მომზადებულია onoff.ge მხარდაჭერით. ყველაზე დიდი ტექნიკის ონლაინ კატალოგი საქართველოში. ვებ-გვერდის საშუალებით შეგიძლიათ შეარჩიოთ, შეადაროთ და შეიძინოთ ნებისმიერი ტექნიკა სახლიდან გაუსვლელად.
Eavesdrop-ის პოდკასტის 48-ე ეპიზოდში, Apple-ის მობილური რეკლამის ყოფილმა ვიცე-პრეზიდენტმა ენდი მილერმა მოყვა წარმოუდგენელი ამბავი იმის შესახებ, თუ როგორ შემთხვევით მოიპარა მან სტივ ჯობსის მაკბუკი.
2009 წელს მილერმა და მისმა გუნდმა შექმნა რეკლამის მაგალითები, რომლებსაც უნდა ეჩვენებინა iAd პლატფორმის პოტენციალი. მილერმა შექმნა რამდენიმე ვიდეო, Sears-ისა და McDonald’s-ის მონაწილეობით.
ჯობსს არ მოსწონდა პროექტები იმის გამო, რომ ისინი შესრულებული იყო დაბალ დონეზე და არ ასახავდა Apple-ის ხედვას. შემდეგ სტივი გაბრაზდა და მილერს უბრძანა, „თავიდან მომწყდიო“. სარეკლამო განყოფილების ხელმძღვანელმა საჩქაროდ მოკრიბა თავისი ნივთები ამ პროცესში შემთხვევით ჯობსის MacBook ჩაიდო ჩანთაში, ასევე მაუსი და მაუსპედიც ზედ მიაყოლა.
ოფისში დაბრუნებისთანავე მან გამორთო სმარტფონი, რათა ხელი არავის შეეშალა მისთვის მუშაობისას. დაახლოებით ნახევარი საათის შემდეგ მასთან ორი დაცვის თანამშრომელი მოვიდა და გადასცა ტელეფონი.
ყურმილში ჯობსის ხმა გაისმა. პირველი რაც მან ჰკითხა იყო: „რატომ მოიპარე ჩემი ლეპტოპი“?
მილერმა ძლივს განმარტა, რომ ეს შემთხვევით მოხდა და მას არ სურდა Apple-ის ხელმძღვანელის ლეპტოპიდან საიდუმლო დოკუმენტების დაკოპირება.
სიტუაცია არასასიამოვნო იყო, რადგან ჯობსმა თავდაპირველად გადაწყვიტა, რომ მაკბუკი მოიპარეს საიდუმლო პროექტებზე წვდომის მიღების მიზნით.
შედეგად, ჯობსმა დაუჯერა მის ვიცე-პრეზიდენტს, დაცვამ წაიღო ლეპტოპი და მაუსპედი. მაუსი დარჩა მილერთან. იგი კვლავ მის სახლში ინახება.
მილერი არის Quattro Wireless-ის დამფუძნებელი, რომელიც Apple-მა 2009 წელს შეიძინა 275 მილიონ დოლარად. მის საფუძველზე შეიქმნა iAd სარეკლამო სერვისი, რომელიც 2016 წელს დაიხურა. 2011 წელს მილერმა დატოვა Apple.
