ცნობილმა ანალიტიკოსმა მინ-ჩი კუომ ახალი თაობის iPad-ის შესახებ ინფორმაცია გააზიარა.
ის დარწმუნებულია რომ კომპანია iPad-ს დასაკეცი ეკრანით ამზადებს. ეს იქნება ტაბლეტების სერიის ყველაზე დიდი განახლება წლების განმავლობაში. მოწყობილობა 2024 წელს გამოვა, მაგრამ ანალიტიკოსს არ დაუსახელებია გამოსვლის ზუსტი პერიოდი.
კუო არ არის პირველი ვინც 2024 წელს დასაკეცი iPad-ი ივარაუდო. გასულ წელს ამ მოწყობილობაზე ანალიტიკურმა ფირმამ CCS Insight-მაც ისაუბრა — სწორედ მასზე გამოსცდიან კუპერტინელები ახალ ტექნოლოგიას და მხოლოდ ამის შემდეგ იფიქრებენ iPhone-ზე გადატანაზე.
იგივე ინფორმაცია დაადასტურა ავტორიტეტულმა ჟურნალისტმა მარკ გურმანმა, რომელიც თვლის რომ ახალი iPad-ი მიიღებს 20 ინჩიან ეკრანს. [ MacRumors ]
