ჯერ კიდევ 2019 წელს ჩვენს ვიდეო პოდკასტებში რამდენჯერმე ვახსენეთ სათვალეები, რომლთან დაკავშირებითაც ჭორები კალიფორნიიდან, კუპერტინოდან მოდიოდა. ახლახან კი Apple-ის ახალი იდუმალი მოწყობილობის შესახებ ძალიან ბევრი სიახლე გაჩნდა. მას უკვე მოარგეს სახელიც — Apple Glass. სავარაუდოდ ეს არის აუგმენტური და ვირტუალური რეალობის სათვალე. ეს ჯეიმს ბონდის გაჯეტს ჰგავს ხო? რატომაც არა.
Apple Smart Glass-ის ერთ-ერთი მახასიათებელი
Apple-მა დააპატენტა ხედვის კორექტრიების სისტემა, რომლის მიხედვითაც ტექნოლოგია შეძლებს დაეხმაროს შორს და ახლოს ხედვის პრობლემების მქონე ადამიანებს. თავად სათვალე შეძლებს დაარეგულიროს თქვენი ხედვა. ხედვის კორექციის სისტემა, გადაჭრის იმ ხალხის პრობლემას ვისაც ლინზებისა და სხვა და სხვა სათვალეების გამოყენება უწევთ.
მაგალითად ერთ-ერთ პატენტში, ნაჩვენებია რომ სათვალეების საშუალებით შეგიძლიათ უყუროთ სპორტულ ღონისძიებას, გადართოთ კამერები და დააკვირდეთ ახლოდან სპორტსმენებს.
ჭკვიანი სათვალეების შესახებ ბევრი ინფორმაცია ბოლო 2 თვემდე ნამდვილად არ იყო, მაგრამ ახლა სიტუაცია შეიცვალა, Apple-ი აშკარად მუშაობს ლინზების მქონე მოწყობილობაზე, რადგან უამრავი ახალი პატენტი კეთდება. თუმცა, ეს ყველაფერი არ ნიშნავს იმას რომ ახალ მოწყობილობას ამ WWDC-ზე უნდა ველოდოთ.
ბოლო ჭორების თანახმად, Apple Glass დამატებითი ლინზების გარეშე 499 დოლარი ეღირება.
