Apple Music-ს მომხმარებლების რაოდენობამ ოფიციალურად 36 მილიონს მიაღწია, გასული წლის სექტემბრიდან სერვისში 30 მილიონიანი ზრდა დაფიქსირდა — იტყობინება The Wall Street Journal-ი.
როგორც გამომცემლობის ჟურნალისტები იტყობინებიან, Apple Music-ის მომხმარებლების ზრდა ბევრად უფრო სწრაფია ვიდრე ეს Spotify-ს შემთხვევაში ხდება. ეს მონაცემი ჯერჯერობით მხოლოდ ამერიკის შეერთებულ შტატებში ითვლება. აშშ-ში Apple-ის მუსიკალურ სოციალურ ქსელში, ყოველ თვიური მატება 5%-ს შეადგენს, ხოლო Spotify-ის 2%-ით იკლებს.
ამ ეტაპზე ჯერჯერობით Spotify ისევ ლიდერობს, მათი მომხმარებლების რაოდენობა კუპერტინოელებს ორჯერ აღემატება და 70 მილიონს შეადგენს. ექსპერტების აზრით, კომპანია Apple-ის სერვისის ასეთი პოპულარიზაცია თუ გაგრძელდა, მომავალ წელს პირველობას მოიპოვებს, რაც უბრალოდ დროის ფაქტორია.