GeMUG
  • მთავარი
  • სიახლეები
  • მიმოხილვა
  • ხრიკები
  • პოდკასტი
No Result
View All Result
GeMUG
  • მთავარი
  • სიახლეები
  • მიმოხილვა
  • ხრიკები
  • პოდკასტი
No Result
View All Result
GeMUG
No Result
View All Result
Home სიახლეები

HP Apple-ის კვალზე

IC by IC
16/02/2011
in სიახლეები
Reading Time: 1 min
0
HP Apple-ის კვალზე
854
VIEWS
Share on FacebookShare on Twitter

9 თებერვალს HP-ს დიდი დღე ჰქონდა: გამოაცხადა 2 ტიპის სმარტფონის ახალი ვერსიები –  Palm pre 3  და Palm Veer, ტაბლეტური კომპიუტერი HP Touchpad და მათზე მომუშავე საოპერაციო სისტემა HP WebOS 3, რომელზეც საავტორო უფლებები მან პალმის ყიდვისას მოიპოვა. გარდა ამ სიახლებიისა, პრეზენტაციის ბოლოს HP-ის ვიცე-პრეზიდენტმა ტოდ ბრედლიმ ასევე საკმაოდ მნიშვნელოვანი განცხადება გააკეთა: WebOS წლის ბოლოსკენ პერსონალურ კომპიუტერებზეც იქნება პორტირებული. ამ პრეზენტაციით ნათელი გახდა, HP რას გზას ირჩევს კომპიუტერულ სამყაროში –  ესაა ეპლის გზა, რომელიც მოიცავს ყველა პროდუქტის ტექნოლოგიურ კონტროლს, დაწყებული ჰარდვერით და დამთავრებული საოპერაციო სისტემით და მასში არსებული აუცილებელი პროგრამებით –  კალენდრით, ელფოსტის კლიენტით და ა.შ. ანუ ბიზნესის ენაზე –  ვერტიკალური ინტეგრაცია.

დესკტოპის საოპერაციო სისტემა

HP-ს სიყვარული პერსონალური ან უფრო ღრმად მოდიფიცირებული საკუთარი საოპერაციო სისტემისადმი ამ პრეზენტაციით არ დაწყებულა. 1989 წელს HP-მ გამოაცხადა საკუთარი გრაფიკული ინტერფეისის –  NewWave-ის დაბადება. NewWave  წარმოადგენა გრაფიკულ შრეს, რომელიც მუშაობდა Windows 2.0  და 3.0 ვერსიებზე და ასევე იგეგმებოდა მისი პორტირება IBM OS/2-ზე და კომპანიის HP-UX-ზე და რომელიც გამიზნული იყო რომ გამხდარიყო ბიზნეს აპლიკაციებისთვის სასურველი პლატფორმა.

NewWave-ის გამოჩენას დაემთხვა ეპლის სარჩელი მაიკროსოფტის წინააღმდეგ, რომელშიც ასევე შევიდა HP-ის ახალი პროდუქტი, ეპლის მაკინტოშის დესკტოპის ელემენტების კოპირების გამო.  მიუხედავად იმისა, რომ ეპლმა წააგო სარჩელი, NewWave-ის საბოლოო აღსასრული ისევ მაიკროსოფტის ხელით მოხდა, როცა NewWave-ის ფუნქციონალური ელემენტები შევიდა მაიკროსოფტის ერთ-ერთ ყველაზე პოპულარულ საოპერაციო სისტემა Windows 95-ში.  HP-მ გადაწყვიტა მიეტოვებინა NewWave  და გააგრძელა კომპიუტერების აწყობა Windows პლატფორმისთვის, ხოლო ცოტა მოგვიანებით, COMPAQ-ის ყიდვის შემდეგ, სმარტფონების აწყობაც.  HP უფრო და უფრო ახდენდა თავისი მიმართულებების ინტეგრაციას ერთი კომპანიის ტექნოლოგიური ქოლგის ქვეშ და ბოლო განცხადებით, რომ WebOS წლის ბოლოსთვის პერსონალურ კომპიუტერებზეც გამოჩნდებოდა, რომელსაც ექნება მაუსის მხარდაჭერა, კიდევ უფრო დიდი ნაბიჯი გადადგა ტექნოლოგიური დამოუკიდებლობისკენ და მონოპოლისტი მაიკროსოფტისგან დისტანცირებისკენ – რომლის წარმატებული მაგალითი არის ეპლის ბიზნეს-მოდელი და რომელსაც კარგად იცნობს ჯონ რუბინშტეინი, წარსულში ეპლის ვიცე-პრეზიდენტი ჰარდვერის და აიპოდის დარგში და ახლა HP-ის ერთ-ერთი ცენტრალური ფიგურა.

მობილური ტექნოლოგიები

2007 წელს, აიფონის ფენომენალური წარმატების შემდეგ ნათელი გახდა, რომ სამომხმარებლო კომპიუტერების მომავალი ეკუთვნოდა მობილურ მოწყობილობებს –  სმარტფონებს და ცოტა მოგვიანებით, ტაბლეტურ კომპიუტერებს. HP-ს ჰქონდა 2 არჩევანი, 1. დარჩენილიყო აპარატურის ამწყობად და აერჩია ან მონოპოლისტი მაიკროსოფტი თავისი ტექნოლოგიურად ჩამორჩენილი Windows Mobile-ით, რომელთან ერთადაც 2010 წელს სცადა HP Slate -ს გამოშვება და კატასტროფული რაოდენობის, მხოლოდ 9000 ცალის გაყიდვით დამთავრდა, ან გუგლის ფრაგმენტირებული ანდროიდი და შეერთებოდა ანდროიდზე მომუშავე, ერთმანეთისგან უკვე თითქმის არაფერით გამორჩეულ მოდელებს.  2. შეემუშავებინა ან მოეპოვებინა საკუთარი მობილური პლაფტორმა. 2010 წელს HP-მ იყიდა გაკოტრების გზაზე მდგარი, ერთ დროს ლეგენდარული Palm მისი საკმაოდ საინტერესო და პერსპექტიული პროდუქტის, WebOS-ის გამო, რამაც საშუალება მისცა მოეხდინა საკუთარი მობილური დივიზიონის ნაწილობრივი ვერტიკალური ინტეგრაცია და ასევე მოეპოვა გაცილებით დიდი დამოუკიდებლობა პროგრამული უზრუნველყოფის კომპანიებისგან. ანალოგია ეპლთან, რომელიც სტატიის სათაურშია, მდგომარეობს იგივე წარმატებული ბიზნეს-მოდელის არჩევაში, როგორც ეპლს აქვს და რომელსაც არც თუ ისე წარმატებით იმეორებს ბლეკბერის მწარმოებელი RIM.  ეპლის შემთხვევაში, როცა კომპანია თვითონ აკონტროლებს პროდუქტის შექმნის თითქმის ყველა რგოლს და ეტაპს, საშუალებას აძლევს მწარმოებელს უფრო მეტი კონტროლი იქონიოს ფასზე, ხარისხზე, მონაცემებზე, პროდუქტის სტრატეგიულ და ტაქტიკურ დაგეგმარებზე და ასევე ცვლილებებზე, რისი მკაფიო მაგალითიც არის ეპლის iPad  499$-ად, რომლის მსგავსი შედეგის მიღწევაც ბოლო 1 წლის მანძილზე ვერავინ შეძლო.

შესაძლო პრობლემები

გამოუცხადებელი ფასი მათ ტაბლეტზე, რომელმაც ტექნოლოგიურ სამყაროში გააჩინა არცთუ უსაფუძვლო ეჭვი იმის თაობაზე, რომ TouchPad არ ეღირება აიპედივით იაფი. წინააღმდეგ შემთხვევაში HP გამოაცხადებდა მიმზიდველ ფასს და შექმნიდა საკმაოდ დიდ, პოზიტიურ მოლოდინს პროდუქტის გამოსვლის თარიღისთვის. მეორე –  TouchPad-ს მოუწევს კონკურენცია არა დღევანდელ აიპედთან, რომელსაც უსწრებს ზოგიერთი ტექნიკური და ფუნქციონალური მაჩვენებლით, არამედ აიპედის მეორე ვერს���ასთან, რომელიც გაცილებით უფრო მძლავრი იქნება, ვიდრე მისი წინამორბედი, ახალი შესაძლებლობებით, სავარაუდოდ იგივე ფასით და რომელიც გაყიდვაში უნდა გამოვიდეს ამ გაზაფხულზე, ხოლო TouchPad გვიან ზაფხულში. მესამე და ყველაზე მნიშვნელოვანი, ესაა ეკოსისტემა, რომელიც Palm-ს თავის დროზე საკმაოდ სუსტი გააჩნდა და რომლის შექმნაც მხოლოდ კომპანიის რესურსებზე არაა დამოკიდებული.  ეპლის აიფონის, აიპედის და აიპოდის გარშემო არსებობს უზარმაზარი ეკოსისტემა, რომელიც შედგება ასიათასობით დეველოპერისგან, რომლებიც უკვე 3 წელია iTunes AppStore-თან მუშაობენ, ასევე აქსესუარების მწარმოებლებიც, რომლებიც უშვებენ უამრავი დასახელების ყურსაცვამებს, შალითებს, კლავიატურებს და ა.შ. ეპლის გარშემო არსებული ეკოსისტემის ღირებულება იზომება ასეულობით მილიონი დოლარის ოდენობით, რომელშიც არსებული გაყიდვების ლომის წილი ზუსტად რომ დეველოპერებს რჩებათ. ეს თავის მხრივ, იზიდავს უამრავ მომხმარებელს დიდი და მრავალფეროვანი არჩევანის გამო როგორც პროგრამული უზრუნველყოფის, ასევე ფიზიკური აქსესუარების მხრივ. აი ეს ხდის ეპლის ეკოსისტემას ყველაზე მიმზიდველს დეველოპერისთვის და რომლის წარმატებით შექმნაშიც HP-ს დასჭირდება წლები და არა ერთი-ორი. ხოლო ამ დროისთვის ეპლის აიპედი დიდი ალბათობით ინდუსტრიის ლიდერი და დეფაქტო სტანდარტი გახდება.

Tags: iPadiTunesMac
Previous Post

iPhone კორპორატიულ სამყაროში

Next Post

ახალი iPad?

IC

IC

Related Posts

ბილ გეითსი კლაბჰაუსშია, კითხვა დროულია, Android-ი თუ iOS?
სიახლეები

ბილ გეითსი კლაბჰაუსშია, კითხვა დროულია, Android-ი თუ iOS?

27/02/2021
175
Facebook-ი iPhone-ის მომხმარებლებს მეთვალყურეობის ჩართვას სთხოვს
სიახლეები

Facebook-ი iPhone-ის მომხმარებლებს მეთვალყურეობის ჩართვას სთხოვს

26/02/2021
1.4k
ტიმ კუკი: „Apple-ი ყოველ 3-4 კვირაში ახალ კომპანიებს ყიდულობს“
სიახლეები

ტიმ კუკი: „Apple-ი ყოველ 3-4 კვირაში ახალ კომპანიებს ყიდულობს“

25/02/2021
125
რატომ იაფდება iPhone-ი ძალიან ნელა და რატომ არის Android სმარტფონის შეძენა წამგებიანი
სიახლეები

რატომ იაფდება iPhone-ი ძალიან ნელა და რატომ არის Android სმარტფონის შეძენა წამგებიანი

21/02/2021
4.1k
მარკ გურმანი 16 მარტის ღონისძიებას უარყოფს
სიახლეები

მარკ გურმანი 16 მარტის ღონისძიებას უარყოფს

21/02/2021
57
AirTags, iPad Pro და iPad mini შესაძლოა 16 მარტს ვიხილოთ
სიახლეები

AirTags, iPad Pro და iPad mini შესაძლოა 16 მარტს ვიხილოთ

19/02/2021
59
Next Post
ახალი iPad?

ახალი iPad?

Discussion about this post

  • რატომ იაფდება iPhone-ი ძალიან ნელა და რატომ არის Android სმარტფონის შეძენა წამგებიანი

    რატომ იაფდება iPhone-ი ძალიან ნელა და რატომ არის Android სმარტფონის შეძენა წამგებიანი

    0 shares
    Share 0 Tweet 0
  • Facebook-ი iPhone-ის მომხმარებლებს მეთვალყურეობის ჩართვას სთხოვს

    0 shares
    Share 0 Tweet 0
  • ბილ გეითსი კლაბჰაუსშია, კითხვა დროულია, Android-ი თუ iOS?

    0 shares
    Share 0 Tweet 0
  • ტიმ კუკი: „Apple-ი ყოველ 3-4 კვირაში ახალ კომპანიებს ყიდულობს“

    0 shares
    Share 0 Tweet 0
  • Facebook-ს სურს რომ Apple-ს თვალთვალის ახალი წესების გამო უჩივლოს

    0 shares
    Share 0 Tweet 0
  • ჩვენ შესახებ
  • რეკლამა
  • სარედაქციო პრინციპები
  • კონფიდენციალურობის პოლიტიკა
  • კონტაქტი

© 2020 GeMUG - Georgian Mac Users Group.

No Result
View All Result
  • მთავარი
  • სიახლეები
  • მიმოხილვა
  • ხრიკები
  • პოდკასტი

© 2020 GeMUG - Georgian Mac Users Group.

Welcome Back!

Login to your account below

Forgotten Password?

Create New Account!

Fill the forms below to register

*By registering into our website, you agree to the Terms & Conditions and Privacy Policy.
All fields are required. Log In

Retrieve your password

Please enter your username or email address to reset your password.

Log In

Add New Playlist

This website uses cookies. By continuing to use this website you are giving consent to cookies being used. Visit our Privacy and Cookie Policy.