ქართული ბლოგი Style of Life აქვეყნებს ეპლის ყოფილ დირექტორთან – ჯონ სკალისთან ინტერვიუს ქართულ თარგმანს, რომელიც შეეხება სტივ ჯობს და ეპლის პირველ წლებს.
რამოდენიმე ამონარიდი ინტერვიუდან:
იმხანად საქონლის მარკეტირებისას გადიოდნენ “მინდორში” და ატარებდნენ მომხმარებელთა გამოკითხვას, მაგრამ სთივს არ სჯეროდა ამ მეთოდის – “როგორ შეიძლება ადამიანებს ჰკითხოთ, თუ როგორი უნდა იყოს გრაფიკული შესაძლებლობების კომპიუტერი, თუ მათ არც იციან, ეს რა არის და არც არასდროს უნახავთ?”
მახსოვს, შინ რომ ვეწვიე, თითქმის არ ჰქონდა ავეჯი. მხოლოდ აინშტაინის ფოტო, Tiffany-ს სანათი, სკამი და საწოლი. მას არასდროს უყვარდა ბინის ნივთებით გადახუნძლვა. იგივე ეხება Apple-საც. მას აღელვებდა, თუ როგორ აღიქვამდა მომხმარებელი პროდუქტს. სწამდა, რომ ინდუსტრიული დიზაინი სინამდვილეში განსხვავდება მრეწველობისგან. ტექნოლოგიების მწარმოებელ ადამიანებს კი არ უნდა შევედაროთ, არამედ იუველირებს, სამკაულებს რომ ამზადებენ. უკვე გავიხსენე, თუ როგორ მოხიბლა ის ჩემი კარის საკეტებმა – მათმა სილამაზემ და, იმავდროულად, ხარისხიანმა მექანიზმმა. ვფიქრობ, ასეთია ყველაფერი, რასაც კი ოდესმე სთივის ხელი შეხებია.
Discussion about this post