აიფონით მიღებული შემოსავალი მთლიანად მაიკროსოფტზე დიდია

Business Insider აქვეყნებს საკმაოდ საინტერესო მონაცემებს, რის თანახმადაც ცალკე აღებული აიფონის გაყიდვებიდან მიღებული შემოსავალი აღემატება მაიკროსოფტის მთლიან შემოსავალს: 2011 წლის ბოლო კვარტლის შედეგების მიხედვით, მხოლოდ აიფონის გაყიდვებით მიღებულმა შემოსავალმა მიაღწია 24 მილიარდ დოლარს, ხოლო მაიკროსოფტის შემოსავალმა, რომელშიც შედის ოფისი, ვინდოუსი, Xbox და ყველა მისი პროდუქტი – 20.9 მილიარდ დოლარს.

მიუხედავად იმისა, რომ მაიკროსოფტი საკმაოდ დიდ მოგებას აღწევს ყოვეწლიურად, ეს ინფორმაცია განსაკუთრებით არასასიამოვნოა მაიკროსოფტისთვის ერთი ცნობილი ვიდეოს გამო: 2007 წელს, როცა აიფონის გამოსვლა სულ ახალი გამოცხადებული ჰქონდა ეპლს, მაიკროსოფტის CEO-მ სტივ ბალმერმა ინტერვიუში სასაცილოდ აიგდო ეპლის სმარტფონი მისი მაღალი ფასის და ფიზიკური კლავიატურის უქონლობის გამო და მას კრახი უწინასწარმეტყველა. 5 წლის შემდეგ კი აიფონის შემოსავლებმა მთლიანად მაიკროსოფტის შემოსავლებს გადაუსწრო.

წყარო

Tags: iPhone