ბევრმა არ იცის, მაგრამ macOS-ში არის ისეთი ძალიან სასარგებლო ფუნქცია, როგორიცაა სმარტ-საქაღალდე. მიუხედავად დასახელებისა, ეს არ არის საქაღალდე საოპერაციო სისტემის კლასიკური გაგებით, არამედ ფაილების დახარისხების პრინციპი მითითებული პარამეტრების მიხედვით. თუ სრულად შეისწავლით სმარტ-საქაღალდეების შესაძლებლობებს, თქვენ შეძლებთ თქვენი სამუშაოს შესრულებას გაცილებით უფრო მოხერხებულად და ეფექტურად.
მაშ ასე, რისთვის არის ეს საჭირო?
სმარტ-საქაღალდეების საშუალებით შესაძლებელია მუსიკის, ფოტოების, ფილმებისა და ნებისმიერი სხვა სახის ფაილების დახარისხება თითის ერთი დაწკაპუნებით. რასაკვირველია, წინდაწინ უნდა მიუთითოთ აუცილებელი ნიშან-თვისებები. მოდი, განვიხილოთ კონკრეტული მაგალითი.
დავუშვათ, დიდ პროექტზე მუშაობთ. ამ პროექტის ფაილები მიმოფანტულია თქვენს კომპიუტერში — დოკუმენტებში, ელექტრონულ ცხრილებში, ელფოსტაში, Safari-ს ჩანიშნულებში და ა.შ. ამ მონაცემების ერთ ადგილას შეკრება ხელით პრაქტიკულად შეუძლებელია. სწორედ აქ გამოდის სცენაზე სმარტ-საქაღალდე. როგორც ხედავთ, ეს ფუნქცია Spotlight-ის გაუმჯობესებული ვერსიაა.
როგორ შევქმნათ სმარტ-საქაღალდე?
ეს ძალიან ადვილია. ამისათვის დაგვჭირდება Finder-ში შესვლა.
მთავარ მენიუში ვირჩევთ File > New Smart Folder. გაიხსნება ახალი ფანჯარა.
უნდა დავამატოთ იმ მონაცემების საძიებო ნიშან-თვისებები, რომლებიც გამოჩნდება შექმნილ სმარტ-საქაღალდეში. ასარჩევად გვაქვს ატრიბუტების დიდი რაოდენობა, მათი ამ სტატიაში ჩამოთვლა უბრალოდ შეუძლებელი იქნება. მაგალითად შეიძლება მოაგროვოთ სმარტ-საქაღალდეში ის ფაილები, რომლებიც შექმნილია კონკრეტული ფოტო-კამერით, კონკრეტულ დღეს. ამ ოფციის შესაძლებლობები პრაქტიკულად უსაზღვროა.
რასაკვირველია, ძებნა შესაძებელია არა მხოლოდ Mac-ის ყველა საქაღალდის მიხედვით, არამედ კონკრეტულ საქაღალდეებში, ან მყარ დისკებზე. მაგალითისათვის დავძებნოთ ყველა სურათი ჩემს კომპიუტერში, რომლებიც ამ კვირაში მოხვდა დისკზე, ამათუიმ გზით.
ნიშან-თვისებების შერჩევის შემდეგ შესაძლებელია სმარტ-საქაღალდის შენახვა.
სურვილისამებრ, შეგიძლიათ ამ საქაღალდის Finder-ის გვერდითა ზოლში განთავსებაც, რათა ადვილად გქონდეთ წვდომა მასზე. დროთა განმავლობაში, სმარტ-საქაღალდე შეივსება ობიექტებით — თუ კომპიუტერში გაჩნდება ისეთი ფაილები, რომლებიც აკმაყოფილებენ მოცემულ ნიშან-თვისებებს. დამეთანხმებით, რომ ძალიან სასარგებლო ფუნქციაა.
