5 ფუნქცია, რომელსაც ველოდებით iOS 14-ში

5 ფუნქცია, რომელსაც ველოდებით iOS 14-ში

iOS-ს უკვე მრავალი წელია არ განიცდის ფუნქციების ნაკლებობას. თუ 5-7 წლის წინ Apple-ის მობილური OS-ს ჯერ კიდევ ბევრი ფუნქცია აკლდა, ამჟამად ძნელია ერთბაშად გაიხსენო საჭირო ფუნქციები, რომლ;ებიც ჯერ კიდევ არ არის რეალიზებული. მაუსის მხარდაჭერა — არის, ღამის რეჟიმი — არის, ჩამოტვირთვის მენეჯერი — ესეც კი არის (სალამი ანდროიდის მომხმარებლებს). აქედან გამომდინარე, უფრო წვრილმანი ფუნქციები, რომლებიც ნამდვილად არ იქნებოდა iOS-ისათვის, უმეტესობას გვახსენდება მხოლოდ იმ მომენტში, როდესაც მათში არის მოთხოვნილება, ხოლო დანარჩენი დრო ვკმაყოფილდებით იმით, რაც გვაქვს. წარმოგიდგენთ ფუნქციების არჩევანს, რომლებიც Apple-მა უბრალოდ უნდა დაამატოს iOS 14-ში.

ნაგულისხმევი აპლიკაციების შეცვლა iOS-ზე

იმისდა მიუხედავად, რომ რეგულარული iOS აპლიკაციები ისეთი კარგია, რომ მათ შეცვლა დიდად არ არის საჭირო, დროდადრო ასეთი მოთხოვნილება მაინც ჩნდება. ყველაზე ხშირად, ჩნდება საჭიროება კამერის აპლიკაციის შეცვლისა, რათა სამუშაო მაგიდიდან გაუშვან არა წინასწარ დაყენებული კლიენტი, არამედ მესამე მხარის მიერ მოწოდებული. ამასთან, ზოგჯერ არის საჭირო, მაგალითად, სტანდარტული შეტყობინებების, ტელეფონის და კიდევ ხმოვანი ასისტენტის შეცვლა, რომ მათთან მოახდინონ ურთიერთქმედება. ჯერ-ჯერობით, ეს არ არის შესაძლებელი და ბევრი მომხმარებელი ძალიან განიცდის, განსაკუთრებით ანდროიდიდან გადმობარგებულები. გააკეთებს თუ არა Apple ამას, ჯერ კიდევ საკითხავია.

ვიჯეტები ბლოკირების ეკრანზე

ერთ დროს, Apple ცდილობდა აეთვისებინა ვიჯეტები, მაგრამ მაინც ვერ მიხვდა, თუ რამდენად მოსახერხებელია მათი ინტეგრირება თავად სისტემაში. ყოველთვის, როდესაც კომპანია იწყებდა ინტეგრაციას, დეველოპერები ათავსებდნენ ვიჯეტებს იქ, სადაც ჩვეულებრივ არავინ ეძებდა მათ. პრინციპში, მათი გაგება შეიძლება. ამინიდის ვიჯეტის ხატულებს შორის ჩაკვეხება არ გამოიყურება განსაკუთრებულად ესთეტიურად. მაგრამ რას იტყვით, რომ გადადგმული ნაბიჯების მთვლელის, დახარჯული კალორიების, ან ყოველდღიური გეგმების ვიჯეტები ბლოკირების ეკრანზე რომ გამოჩნდეს? უმეტესწილად ის ცარიელი რჩება და ვიჯეტები დაიკავებს მას შეტყობინებების ხელის შეშლის გარეშე.

სამუშაო დაფის ხატულების განთავსება

iOS-ის მომხმარებლები, ტრადიციულად, პერსონალიზაციის დიდი მოყვარულები არ არიან. ამიტომ, არც დამატებითი გარსები, არც ფერადი სქემები არ სჭირდებათ iPhone-ზე, ან iPad-ზე. მაგრამ, აშკარად არ დააზარალებს მომხმარებლებს ცოტა მეტი თავისუფლება, მაგალითად, ხატულების სამუშაო დაფაზე ნებისმიერი თანმიმდევრობით დალაგება, და არა როგორც ახლა ხისტად მხოლოდ ბადისებურად. ვფიქრობ, რომ სასარგებლო იქნება ცარიელი სივრცეებით პროგრამების გამოყოფის შესაძლებლობა, თუ არ გსურთ მათი საქაღალდეების გაერთიანება.

ყოველთვის ჩართული ეკრანი iPhone-ზე

iPhone-ის უკვე სამი თაობა არის აღჭურვილი AMOLED ეკრანებით, მაგრამ Apple-ს ჯერ კიდევ არ დაუმატებია Always-On Display-ის მხარდაჭერა. ის საშუალებას გაძლევთ მიმართოთ ძაბვა ინდივიდუალურ LED-ებზე, რომლებიც ქმნიან ეკრანს, და ამით აჩვენოთ მასზე გარკვეული ინფორმაცია, მაგალითად, მიმდინარე დრო, გამოტოვებული ზარების ან შეტყობინებების ხატულები და კიდევ ამინდის მონაცემები, გადადგმული ნაბიჯები და მრავალი სხვა. Always-On Display-ის თვისება ის არის, რომ ინფორმაცია მუდმივად არის ნაჩვენები, მაგრამ ის პრაქტიკულად არ მოიხმარს ენერგიას AMOLED პანელების მაღალი ენერგოეფექტურობის გამო.

FaceTime-ისა და iMessage-ის გაერთიანება

არ ვიცი თქვენ როგორ, მაგრამ მეჩვენება, რომ Apple-მა უნდა გააერთიანოს FaceTime და iMessage ერთ აპლიკაციაში, როგორც ეს არის WhatsApp-ში, Telegram-ში, Viber-ში და სხვა მესინჯერებში. მართლაც, მიმოწერა, ისევე როგორც ვიდეო და აუდიო ზარები ერთი და იგივე პროცესის სხვადასხვა ფორმაა და, შესაბამისად, თითოეული მიზნისთვის სხვადასხვა პროგრამის არსებობა არც თუ ისე ლოგიკურია. უფრო მეტიც, Apple-მა iOS 13-ში გადაწყვიტა Find My iPhone და Find My Friends პროგრამების გაერთიანება ერთ აპლიკაციაში, რითაც ყველამ მხოლოდ ისარგებლა. ვფიქრობ, რომ კომბინირებული iMessage და FaceTime მომსახურება არ იქნება ურიგო.

Leave a Comment

Related Posts