ყველამ ვიცით რომ ჩვენი საყვარელი კომპანია მარტში პრეზენტაციას მართავს ხოლმე, ეს ხდება სტივ ჯობსის თეატრში, ან სადმე სხვაგან. მიუხედავად იმისა რომ Apple უშუალოდ არაფერს დაგვპირებია, ამ ღონისძიებაზე სავარაუდოდ iPhone 9 (იგივე iPhone SE 2) უნდა ვიხილოთ. ამას გარდა სავარუდოდ გამოვა: iPad Pro, MacBook Pro 13″, MacBook Air განახლებული კლავიატურით და AirTag. ამდენი პროდუქცია მარტის ღონისძიბისთვის უჩვეულოდ ბევრია, როგორც წესი ამ პრეზენტაციაზე Apple ერთ კონკრეტულ თემაზეა ხოლმე კონცენტრირებული. (2019 წლის მარტის ღონისძიებას ,,It’s Show Time“ იყო, სადაც სათაურივე ხაზს უსვამდა მთავარ თემას. დიდი შანსია, რომ ჩვენთვის ნანატრი ღონისძიება, ვუჰანის გამო გადაიდოს.
ჩინეთში არსებული ვითარებიდან გამომდინარე და Apple-ის მომწოდებლებთან შექმნილი პრობლემების გამო, ზემოთ ჩამოთვლილი მოწყობილობების მარტში გამოშვება თითქმის არარეალურია.
2020 წლის პირველი სარეკორდო კვარტლის შედეგების შემდეგ, ინვესტორები კვლავ გაბრწყინებას ელოდნენ, მაგრამ კორონა ვირუსის შემდეგ Apple-ის აქციები თითქმის 3 პროცენტით დაეცა. მიუხედავად სარეკორდო შედეგებისა, პროდუქტების გაყიდვებიდან გამომდინარე Apple-ში მიხვდნენ რომ ახალი Mac-ისა და ახალი iPad-ის გამოშვების დრო იყო, თუმცა ახლანდელი მდგომარეობით ამის შესრულება ძალიან დიდ ძალისხმევას მოითხოვს.
როგორც ცნობილია ვუჰანში გამოცხადებული კარანტინის გამო, შეჩერდა Apple-ის რამდენიმე პროექტი, შეიძლება ვივარაუდოთ რომ ესენი MacBook Pro / Air და iPad Pro-ს ეხება. ჩინეთში Apple-ს 300-ზე მეტი მომწოდებელი ჰყავს, კონკრეტულად ვუჰანში კი 2.
Discussion about this post