წელს Apple-ისგან მარტში ვიხილეთ MacBook Air-ი, შემდეგ მაისში კი ახალი MacBook Pro.
შეგახსენებთ, რომ ახალი 14.1 დიუმიანი MacBook Pro-ს გამოსვლასთან დაკავშირებული ჭორები არ დადასტურდა და მივიღეთ კვლავ 13 დიუმიანი მოდელი.
ახლა მე გაჩვენებთ ორივე 13 დიუმიანი პორტატული კომპიუტერის განსხვავებებს.
მოკლედ ყველა განსხვავება
MacBook Pro-ს მოდელის შემთხვევაში, მხოლოდ Thunderbolt-ის ორი პორტით აღჭურვილმა მოდელმა მიიღო ახალი კლავიატურა და გაზრდილი SSD-ს კონფიგურაცია.
რაც შეეხება MacBook Pro-ს იმ მოდელს, რომელსაც 4 Thunderbolt-ის პორტი ჰქონდა, მან მეტი განახლება მიიღო. მე-10 თაობის ახალი Intel-ის პროცესორი, უფრო სწრაფი ოპერატიული მეხსიერება და რა თქმა უნდა ახალი კლავიატურა. რაც შეეხება მის მეტალს, (როგორც Apple-ის უმეტესი პროდუქცია, მაქსიმალურად მინიმალურ ზიანს აყენებს დედამიწას და ის ეკოლოგიისთვის უსაფრთხოა) დეტალები: აქ
- ეკრანი — MacBook Pro უკეთესია — სიკაშკაშე 500, 400-ის წინააღმდეგ. ასევე, Pro-ს აქვს ფართო ფერის გამა (P3) ხოლო Air-ს სრული სტანდარტული ფერი (sRGB).
- ზომა — Air-ი 110 გრამით უფრო მჩატეა, ვიდრე Pro. Air-ი ასევე უფრო თხელია და მისი ხანგრძლივად გამოყენება, ზოგიერთ მდგომარეობაში უფრო მოსახერხებელია, თუმცა, Air-ი ეკრანისა და კლავიატურის შეერთების ადგილას, უფრო მაღალია (სქელია), ვიდრე Pro.
- სიძლიერე — MacBook Air-ის 1299 დოლარიანი მოდელი, ძალიან ჰგავს Pro-ს ბაზისურ მოდელს, 4 ბირთვიანი Intel Core i5 პროცესორი და 8GB ოპეატიული მეხსიერება. სხვა მოდელების შემთხვევაში, Pro აშკარად უკეთესია.
- კლავიატურა — ორივე მოდელში მივიღეთ ახალი „მაკრატელა“ კლავიატურა, ისინი იდენტურია. განსხვავება არის Touch Bar-ში, რომელიც Air-ს არ აქვს და ასევე TrackPad-ში, რომელიც Pro-ს უფრო დიდი აქვს.
- სხვა — Pro-ს ოდნავ უკეთესი ხმა აქვს და უფრო ძლიერი დატენვის მუხტი, 61W — 30W-ს წინააღმდეგ.
- ფასი — Air-ის საბაზისო მოდელი 999 დოლარი ღირს, ხოლო Pro-ს 1299 დოლარი.
Discussion about this post