iPhone-ი კოსმოსში იმუშავებს? პასუხმა შესაძლოა გაგაკვირვოს

კოსმოსი სამყაროსთვის ჯერ ისევ იდუმალად რჩება. თუ ვირტუალურად წარმოვიდგენთ მის განვითარებას, იქ აუცილებლად ვხედავთ სრულიად განსხვავებულ მოწყობილობებს.

მაგრამ რა მოხდება თუ ეს მოწყობილობები უკვე ჩვენს ხელშია? შეძლებს ასტრონავტი ყველაზე შორეულ პლანეტაზე iPhone-ის გამოყენებას? ალბათ ჩვენ მალე ვნახავთ სელფს მარსიდან, რომელიც iPhone-ით იქნება გადაღებული.

ჩვენ შევეცადეთ გაგვეგო კოსმოსში სმარტფონის გამოყენების ნიუანსები და სრულიად მოულოდნელი დასკვნები გამოვიტანეთ.

რა მანძილზეა კოსმოსი?

გარე სივრცის რეალური საზღვარი იწყება ზღვის დონიდან 118 კილომეტრის სიმაღლეზე. ახლო სივრცეში ყველაფერი გაცილებით მარტივადაა. ჯერ კიდევ 2010 წელს ლუკ გეისბუჰლერმა iPhone 3GS საჰაერო ბუშტის დახმარებით უმაღლეს წერტილში გაუშვა.

სმარტფონი 30 კილომეტრის სიმაღლეზე ასწიეს, სადაც ქარის სიჩქარე 160 კმ/სთ იყო, ტემპერატურა -60 გრადუსი ცელსიუსით და ვარდნა 240 კმ/სთ სიჩქარით.

ფრენა წარმატებით დასრულდა, ყუთში მოთავსებული iPhone-ი დედამიწაზე დაბრუნდა და მუშაობა განაგრძო. ამრიგად, გაკეთდა დასკვნა რომ ადამინთან ერთად iPhone-ი სტრატოსფეროში იმოგზაურებს.

2013 წელს ექსპერიმენტი განმეორებით Urban Armor Gear-მა ჩაატარა, მათ თავისივე დამცავ შალითაში მოათავსეს iPhone-ი და საჰაერო ბუშტის დახმარებით 30 კილომეტრის სიმაღლეზე გაგზავნეს.

ვიდეო ძალიან ლამაზი გამოვიდა:

iPhone-ი სხვა პლანეტაზე იმუშავებს?

მეცნიერებმა დაამტკიცეს რომ დედამიწის დაბალ ორბიტაზე iPhone-ი მშვენივრად გრძნობს თავს. აქედან გამომდინარე, iPhone-ი შესაძლოა გახდეს სტრატონავტებისა და კოსმოსურ ტურისტებს შორის კომუნიკაციის მთავარი საშუალება.

უახლოეს მომავალში ეს ტერიტორიები ძალიან პერსპექტიული გახდება. შესაბამისად, iPhone-ებიც უფრო ხშირად დაიწყებენ კოსმოსში ფრენას — თუმცა დაბალ ორბიტაზე.