Apple-მა წარმოგვიდგინა watchOS 7 – ახალი საოპერაციო სისტემა ორიენტირებულია ჯანმრთელობისა და ფიტნესის ფუნქციების გაუმჯობესებაზე, აგრეთვე გამარტივებულია საკომუნიკაციო საშუალებები.
ახალი Apple Watch Face-ები
watchOS 7-ში დაემატა უამრავი ახალი ფონი. ასევე გამარტივდა ახალი ფონების საკუთარი გემოვნებით მორგება. ახალი ფონების დაყენება უკვე პირდაპირ ბრაუზერებიდან იქნება შესაძლებელი — დეველოპერებმა Add Apple Watch Face ღილაკი უნდა დაამატონ. ასევე, ახლა უკვე შეგეძლებათ iMessage-ით გააგზავნოთ შექმნილი ფონები და მარტივად გაუზიაროთ სხვებს.
ვარჯიშების ახალი ტიპები
გამოჩნდა ახალი ტიპის აქტივობები: ფუნქციონალური ვარჯიშები, ცეკვა და გამძლეობის ვარჯიშები.
ასევე დაყოფილია ცეკვის სტილი, ესენია: ბოლივუდი, ლათინური, ჰიპ-ჰოპი და კარდიო ცეკვა.
გარდა ამისა, ცეკვის დროს შეგიძლიათ მოირგოთ Nike-ის სპეციალური ბოტასის მოდელი და სისტემა უფრო ზუსტად აღიქვამს თქვენს ნებისმიერ მოძრაობას.
Activity-ს აპლიკაციას შეეცვალა სახელი და გახდა Fitness-ი.
ძილზე თვალყურის დევნება
watchOS 7 შეისწავლის ძილის რეჟიმს და მოგცემთ რეკომენდაციებს, რა დროს არის უკეთესი რომ დაიძინოთ და გაიღვიძოთ.
ყოველ დილით, iPhone-სა და Apple Watch-ზე ნაჩვენები იქნება ძილის სტატისტიკა, იგი გაჩვენებთ არა მხოლოდ ღრმა ძილის სტატისტიკას, არამედ რა დროს ატარებთ ლოგინში.
საათს ასევე დაემატა მაღვიძარის ფუნქცია, რომელი შეეცდება ვიბრაციის საშუალებით გაგაღვიძოთ.
იმ დროს როცა საათზე ძილის რეჟიმს ჩართავთ, მოსული შეტყობინებები არ გამოჩნდება ეკრანზე.
ახალი ტექნოლოგია მიხვდება როდის დაიწყებთ ხელების დაბანას
watchOS 7 მიხვდება თუ როდის დაიწყებს მომხმარებელი ხელების დაბანას და ჩართავს 20 წამიან ტაიმერს.
თუ ხელების დაბანას დროზე ადრე დაასრულებთ, საათი გირჩევთ რომ განაგრძოთ.
Apple Watch-ი ასევე შეგახსენებთ რომ სახლში მისვლისას ყოველთვის უნდა დაიბანოთ ხელები.
მაღალი ხმის სიგნალიზაცია
ეს აპლიკაცია გაუფრთხილდება თქვენს ყურებს, როდესაც სისტემა გადაწყვეტს რომ მუსიკა ძალიან ხმამაღალზეა, ის გამოგიგზავნით გაფრთხილებას სიგნალიზაციის თანხლებით.
სხვა ცვლილებები
watchOS 7-ში გამოჩნდა Siri-ს თარჯიმანიც. watchOS 7-ის დაყენებას შეძლებთ შემდეგ მოდელებზე:
- Apple Watch 3
- Apple Watch 4
- Apple Watch 5
watchOS 7-ის დაყენებისთვის აუცილებელია რომ თქვენი iPhone-ი iOS 14-ზე მუშაობდეს.
Discussion about this post