მიუხედავად გაყიდვების საოცარი შედეგებისა, Apple-ის პროდუქტები ფასის გამო ხშირად ხდება განხილვის საგანი. ბოლო პერიოდში ასეთი პროდუქტი AirPods Max-ია. ამ სტატიაში გეტყვით იმ სამი უპირატესობის შესახებ, რომლითაც AirPods Max-ი B&W-ს, Sony-ს და Bose-ს ჯობია.
1. Spatial Audio (სივრცული ჟღერადობა)
სივრცული ხმა — ეს ფუნქცია უდაოდ სასარგებლოა ფილმებისა და თამაშების დროს. თუმცა, ობიექტურობა მოითხოვს ვთქვათ რომ ხარისხიანი ყურსასმენის ყიდვის მთავარი მიზანი მუსიკის მოსმენაა.
2. ხმის კონტროლი
„ციფრული გვირგვინი“ ეს არის საუკეთესო კონტროლერი! ვისაც Apple Watch-ი აქვს, ზუსტად იცის რასთან გვაქვს საქმე. ხმის კონტროლის ასეთი საშუალება ყურსასმენების მომხმარებლების უმეტესობისთვის მნიშვნელოვანია. ღილაკებთან და მითუმეტეს სენსორებთან შედარებით, ეს გაცილებით კომფორტულია. გარდა იმისა რომ ამ Digital Crown-ის საშუალებით უფრო ზუსტად მოვახდენთ ცვლილებებს, მასთან ურთიერთობა ძალიან სასიამოვნოა.
და მთავარი:
3. Apple-ის ეკოსისტემა
მესამე და ყველაზე მთავარი ჩემთვის. Apple-ის ეკოსისტემაში ღრმა ინტეგრაცია! ავტომატური დაწყვილება მოწყობილობებთან გაცილებით უკეთესია ვიდრე სტანდარტული Bluetooth კავშირი. ასევე ახლახანს დაგვემატა მოწყობილობებს შორის ავტომატური გადართვა. ახლა როცა AirPods Pro მაქვს და MacBook-იდან iPad-ზე გადავჯდები, მომენტალურად მიყვება AirPods-იც. და ბოლოს, აუდიოს გაზიარების ფუნქცია: როცა ორ ადამიანს შეუძლია ერთად მოუსმინოს ერთსა და იმავე სიმღერას ან უყურონ ერთსა და იმავე ვიდეოს, იმ დროს როცა ორივეს აქვს საკუთარი ყურსასმენი. მშვენიერია როცა ვინმესთან ერთად მოგზაურობ, ან მეგობართან ერთად უყურებ ფილმს.
Discussion about this post