Apple-ის ფასების პოლიტიკა — ეს საკითხი უმეტესობისთვის არც ისე სასიამოვნოა, თუმცა ლოგიკური და გასაგები. Apple-ის მხრიდან ამ პოლიტიკის ცვლილება წლიდან წლამდე თითქმის არ ხდება, ამიტომ წინასწარ შეგვიძლია განსაზღვროთ თუ რამდენი დაგვჭირდება ახალი iPhone-ის შესაძენად. რაც შეეხება მეორად ბაზარზე ფასის შენარჩუნებას, ეს Apple-ის ამ მიდგომის დამსახურება არ არის, არამედ სხვა რამესთან გვაქვს საქმე.
ცოტა ხნის წინ BankMyCell-ს ანალიტიკოსებმა დაადგინეს რომ iPhone-ები თითქმის ორჯერ უფრო ნელა იაფდება, ვიდრე Android სმარტფონები. ახალი iPhone-ები მეორად ბაზარზე ფასის მაქსიმუმ 20%-ს კარგავენ, ხოლო Android სმარტფონები დაახლოებით 30-დან 50%-მდე. ხანდახან უფრო მეტსაც.
რატომ ინარჩუნებს iPhone-ი პირველად ფასს მეორე წელს?
თავიდანვე გეტყვით რომ აქ აქციების ყიდვა-გაყიდვის ფასის მომატება-დაკლების პროცესი არაფერ შუაშია. სინამდვილეში ბევრი მიზეზიც არ არსებობს. უფრო მარტივადაც თუ ვიტყვით ერთი ძირითადი მიზეზია და მისი სახელია — მხარდაჭერა.
როგორც მოგეხსენებათ iPhone-ები iOS-ს განახლებას სამჯერ უფრო მეტხანს იღებენ ვიდრე Android სმარტფონები. iPhone-ის შემთხვევაში 4-5 წელი, ხოლო Android სმარტფონების შემთხვევაში 2-3 წელი. განსხვავება ძალიან შესამჩნევია და ეს მომხმარებელზე ნამდვილად მოქმედებს.
ამ ლოგიკით გამოდის რომ iPhone-ის შეძენა გაცილებით მომგებიანი, თუ სმარტფონისგან განსაკუთრებულ დამტვირთველ დავალგებებს არ ითხოვთ, იგი შეგიძლიათ 5-6 წელიც კი გქონდეთ. მაგალითად 2015 წელს გამოვიდა iPhone 6S Plus, ამავდროულად იყო Samsung Galaxy S6, LG G4 და Sony Xperia Z5, თუმცა მათი არსებობის შესახებ არავის ახსოვს. iPhone 6S Plus-ი კი განაგრძობს განახლებების მიღებას და კვლავ საკმაოდ კარგად მუშაობს.
Discussion about this post