ამ წლის დასაწყისში ცნობილი გახდა რომ Apple-ი ავტომწარმოებლებთან მოლაპარაკებებს აწარმოებს, თუმცა, როგორც Bloomberg-ი წერს მოლაპარაკებები ჩიხშია შესული.
მთავარი პრობლემა ის არის რომ ავტომობილების კომპანიებს არ სურთ რომ საკუთარი კონკურენტების მანქანები აწარმოონ. თუმცა არ უნდა დაგვავიწყდეს რომ მსგავსი ვითარებაა Apple-სა და Samsung-ს შორის.
Apple-ი მიჩვეული ასეთ მოცემულობას, თავად მთელ დროს უთმობს პროდუქტის განვითარებას, ხოლო წარმოებაში სხვა კომპანიებს ასაქმებს. ეს ფაქტი Apple-ს ათავისუფლებს ქარხნების მშენებლობისგან, მუშახელის მომზადებისა და ხელფასების დარიგებასაგან.
თუმცა, მანქანების შემთხვევაში რთულია ასე გამოვიდეს. მოგეხსენებათ რომ საავტომობილო ინდუსტრია სხვანაირად მუშაობს, კომპანიები მილიარდობით დოლარს ხარჯავენ ქარხნების ასაშენებლად და მკაცრად აკონტროლებენ წარმოების პროცესს.
დღევანდელი სიტუაციით, თუ Apple-ს არ სურს რომ თავად ააშენოს ქარხნები, მოუწევს თავის დიდი ხნის პარტნიორ Foxconn-ს მიაკითხოს, რომელიც უკვე 2023 წლით იწყებს მანქანების წარმოებას სხვა კომპანიისათვის.
Foxconn-ი Apple-ის დიდი ხნის პარტნიორი კომპანიაა და მან იცის Apple-თან მუშაობის სპეციფიკა. [Bloomberg]
