როგორც ბრაზილიური გამოცემა Tilt-ი იტყობინება, სან-პაულოს შტატში Apple-ი 2 მილიონი დოლარით დააჯარიმეს, რადგან კომპანია iPhone-ებს ადაპტერის გარეშე ყიდის.
მათი თქმით Apple-მა დაარღვია სამომხმარებლო კანონის კოდექსი, როგორც ამას დიდი ხნის წინ სამომხმარებლო უფლებების დაცვის სააგენტო Procon-SP აცხადებდა.
ბრაზილიის ხელისუფლებამ რამდენიმე თვის წინ გააფრთხილა Apple-ი, თუმცა კომპანიამ უპასუხა რომ მფლობელების უმეტესობას უკვე აქვთ ადაპტერი.
კუპერტინოელებს გასაჩივრების შესაძლებლობა ჯერჯერობით აქვთ.
