44 წლის წინ, 1976 წლის 1 აპრილს, სტივ ჯობსმა, სტივ ვოზნიაკმა და რონალდ ვეინმა დააარსეს Apple Computer, მოგვიანებით მას უბრალოდ Apple დაარქვეს.
კომპანიამ რევოლუცია მოახდინა კომპიუტერების ბაზარზე Apple I-ის გამოშვებით. ეს იყო პირველი პერსონალური კომპიუტერი, რომელიც იყიდებოდა მთლიანად აწყობილი.
შემდეგ კომპანიამ მიაღწია წარმატებას Apple II-ით, ხოლო 1984 წელს წარმოადგინა კომპიუტერი Macintosh, მომხმარებლის გრაფიკული ინტერფეისით.
შემდგომში Apple-მა რევოლუცია მოახდინა მრავალ სფეროში: iPod, iPhone, iPad, MacBook, App Store და iTunes-ის შექმნით.
2011 წელს, სტივ ჯობსის გარდაცვალების შემდეგ, ტიმ კუკი Apple-ის აღმასრულებელი დირექტორი გახდა. მასთან ერთად გამოვიდა მრავალი ახალი მოწყობილობა და მომსახურება: Apple Watch, HomePod, AirPods, Apple Music, Apple TV+ და Apple Arcade.
ასევე, კუკის ხელმძღვანელობით დასრულდა Apple Park-ის სათავო ოფისის მშენებლობა, რომელიც ჯერ კიდევ სტივ ჯობსის დროს დაიწყო.
გილოცავ დაბადების დღეს, Apple!
