„The Information”-ის ახალ სტატიაში Apple-ის პროცესორების დეპარტამენტში არსებულ რთულ ვითარებაზე საუბრობენ.
ამჟამად Apple-ი მინიმუმ ორ სტარტაპთან სასამართლო დავაშია ჩართული, ესენია Nubia და Rivos-ი, რომლებიც კუპერტინოელებს ათობით ინჟინერს ართმევს. გარდა ამისა, Apple-ის თქმით ისინი იპარავენ საკუთრების ინფორმაციას რომელიც Apple-ის პროცესორებს ეხება.
მაგრამ ეს არ არის ყველაზე საინტერესო ფაქტი. ვარაუდობენ რომ ტიმის გუნდი ბოლო მომენტამდე შემდეგი თაობის GPU-ს ანვითარებდა, რომელიც iPhone 14 Pro-სთვის იყო განკუთვნილი. თუმცა განვითარების ბოლო ეტაპზე შეცდომა საინჟინრო დიზაინში აღმოაჩინეს.
ინჟინერები ზედმეტად ამბიციურები იყვნენ ახალი ფუნქციების დამატებაში, თუმცა პროტოტიპს უფრო მეტი სიმძლავრე სჭირდებოდა ვიდრე კომპანიას შეეძლო. ჩიპი ძალიან დიდ გავლენას ახდენდა ბატარეაზე და ტემპერატურაზე, იდეა საბოლოოდ ვერ განხორციელდა. [9to5]