ჩვენმა საყვარელმა კომპანიამ 2021 წლის WWDC-ის ღონისძიებაზე ისევ BOOM სიახლეებით გაგვახარა. 🙂
თუ თქვენ არ გაქვთ iCloud მეხსიერება შეძენილი და სარგებლობთ მხოლოდ უფასო 5GB-თ, iOS 15-ს ეს სიახლე თქვენთვისაა. ეფლი ამბობს, რომ ეს სიახლე საშუალებას მოგცემთ შეინახოთ იმ მოცულობის Backup რამდენიც დაგჭირდებათ ერთი მოწყობილობიდან მეორეში მასალის გადასატანად.
“ახლა, ახალი მოწყობილობის შეძენისას შეგიძლიათ გამოიყენოთ iCloud Backup თქვენი მონაცემების ძველიდან ახალ მოწყობილობაზე გადასატანად, მაშინაც კი, თუ არსებული უფასო 5GB არაა საკმარისი. iCloud მოგცემთ იმდენ ადგილს, რამდენიც დაგჭირდებათ უფასოდ. ეს საშუალებას გაძლევთ ავტომატურად მიიღოთ თქვენი აპლიკაციები, პარამეტრები და მასალები თქვენი ერთი iPhone-დან, მეორეზე.
დღეს ეფლმა ასევე განაცხადა, რომ ამიერიდან “iCloud +” სერვისად იქნება ცნობილი ყველა სატარიფო გეგმა და დაემატება ახალი ფუნქციები რომლებიც მოიცავს თქვენი მოძიებული აქტივობის გასაიდუმლოებას, ელ-ფოსტის დამალვას და აიქლაუდის ელ. ფოსტის მისამართის მაგივრად სასურველი სახელის დარქმევას ოჯახის წევრებს შორის გასაზიარებლად.
წყარო: MacRumors
