Apple-მა დღეს მეორე თაობის HomePod-ი და Apple Watch-ისთვის ახალი Black Unity-ის თემატიკის სამაჯური წარმოგვიდგინა. ამასთანავე ცნობილი გახდა ახალი ოპერაციული სისტემების გამოსვლის დრო.
iOS 16.3, iPadOS 16.3 და watchOS 9.3-ს გამოსვლას მომავალ კვირაში ველოდებით, კონკრეტული დღე არ არის ცნობილი, მაგრამ გამოცდილებით შეგვიძლია ვივარაუდოთ რომ ეს ან სამშაბათს ან ოთხშაბათს მოხდება, ანუ 24 ან 25 იანვარს.
ამ განახლებაში ველოდებით Black Unity-ს თემატიკის ფონებს როგორც iPhone-ზე ასევე Apple Watch-ზე, ასევე ახალი HomePod-ისთვის ოთახის ტემპერატურის ფუნქციის მხარდაჭერას, რომელიც როგორც აღმოჩნდა HomePod mini-საც და დღეს გამოსულ მეორე თაობის HomePod-საც აქვს.
