iOS 16-ში უამრავი ახალი შესაძლებლობაა, რომელიც ჩვენს ცხოვრებას უფრო ხარისხიანს გახდის. ამ პოსტში ჩვენ გაჩვენებთ შედარებით ნაკლებად ცნობილ სიახლეებს, რომლებიც შესაძლოა არ იცოდეთ.
- განთავისუფლდით დუბლიკატი ფოტოებისგან — iOS 16-ს ფოტოების აპლიკაცია შეგატყობინებთ თუ გაქვს ერთნაირი ფოტოები, რათა ისინი მარტივად წაშალოთ, თუ არსებობს ასეთი, ალბომების განყოფილებაში გამოჩნდება ახალი ალბომი „დუბლიკატები“.
- AirPods-ის პარამეტრების მართვა — როგორც კი AirPods გახსნით და მიიტანთ iPhone-თან, ახლა უკვე პარამეტრებში გამოჩნდება AirPods-ის ველი, რომლის დახმარებითაც უკეთ მართავთ თქვენს მოწყობილობას, iOS 16 ასევე ამატებს პერსონალიზებულ სივრცითი აუდიოს ფუნქციას, რომელიც იყენებს TrueDepth კამერას თქვენი ყურების სკანირებისთვის, რაც უნიკალურ გამოცდილებას მოგანიჭებთ;
- Face ID-ს ჰორიზონტალური რეჟიმი — iOS 16-ზე Face ID ახლა უკვე გვერდულ რეჟიმშიც მუშაობს, მაგალითად მაშინ როცა iPhone-ს ვერტიკალურად არ უყურებთ, Face ID მაინც იმუშავებს;
- დამალული და წაშლილი ფოტოების დაცვა — ახლა Hidden და Recently Deleted ალბომები თქვენი Face ID-თ ან Touch ID-თ იქნება დაცული;
- WiFi-ს პაროლი — მაგალითად თუ WiFi-ს იყენებთ და ამ WiFi-ს პაროლი არ გახსოვთ, ან არ იცით, WiFi-ს პარამეტრებში უკვე მისი პაროლის ნახვაა შესაძლებელი;
- ჰაპტიკური გამოხმაურება კლავიატურაზე — iOS 16-ში არის კლავიატურის პარამეტრი, რომელიც საშუალებას გაძლევთ ჩართოთ ჰაპტიკური გამოხმაურება: Settings > Sounds & Haptics > Keyboard Feedback;
- დააკოპირეთ და წაშალეთ სქრინშოთი — ეკრანის ფოტოს პარამეტრებს დაემატა ფაილებში და ნოუთებში შენახვა და ასევე დაკოპირება და თან წაშლა;
- ჩამონტაჟებული ვალუტის კონვერტაცია — Live Text-ის ახალი ფუნქციების წყალობით, iOS ახლა მოიცავს ჩაშენებულ ვალუტის კონვერტაციას კამერაში და Photos აპლიკაციაში, უბრალოდ დააჭირეთ Live Text ღილაკს ფოტოზე და შემდეგ Convert.
- შემთხვევითი ზარის შეწყვეტის თავიდან აცილება — iOS 16-ის მომხმარებლებს ახლა ექნებათ შესაძლებლობა გამორთონ გვერდითი ღილაკი აქტიური ზარის დასრულების თავიდან ასაცილებლად;
- დასაკრავი სიების დახარისხების ვარიანტები — Apple Music-ში iOS 16-ზე, მომხმარებლებს ახლა ექნებათ შესაძლებლობა დაახარისხონ ფლეილისთები სათაურის, შემსრულებლის, ალბომისა და გამოშვების თარიღის მიხედვით;
- ახალი გაფრთხილება დატენვისას – iOS 16-ზე თუ თქვენი iPhone გათბება, მიიღებთ ახალ შეტყობინებას, რომელიც გაცნობებთ რომ დატენვა შეჩერდება იქამდე სანამ თქვენი iPhone-ის ტემპერატურა შემცირდება;
დატკბით Apple-ის ახალი ოპერაციული სისტემით და გიყვარდეთ Apple-ი.