Adobe iPad-ისთვის Photoshop-ის გამოშვებას 2019 წლის ბოლომდე გეგმავს — იტყობინება Bloomberg-ი.
ნოემბერში კომპანია Adobe გამართავს Max კომფერენციას, სადაც დეტალურად ისაუბრებენ მობილური Photoshop-ის განვითარებაზე.
Adobe Creative Cloud-ის მენეჯერის სკოტ ბელსკის განცხადებით, ზოგიერთ ფუნქციაზე დროებით შეზღუდვები იქნება, ან საერთოდ არ იარსებებს. ამაში შედის: ფილტრები, ფუნჯები, კალმები, ფანქრები და ვექტორული გრაფიკის მხარდაჭერა.
მომხმარებლებს შეეძლებათ შექმნან და შეცვალონ PSD ფაილები, იმუშაონ ფენებთან და დაუკავშირდნენ Creative Cloud-ს.
პირველი Photoshop-ი iPad-ისთვის iPad Pro-ს პრეზენტაციაზე, 2018 წელს გამოჩნდა, ხოლო 2019 წლის ზაფხულში განაცხადეს რომ ბეტა ტესტირება დაიწყო. [Bloomberg]
