ჭორები იმის შესახებ რომ მომავალ iPhone-ებს პორტი არ ექნება, კვლავ არ ჩამცხრალა. Apple-ისთვის, როგორც ეკოლოგიაზე და გარემოს დაცვაზე შეპყრობილი კომპანიისთვის ეს წინადადება ძალიან გამომწვევად ჟღერს. ამ ყველაფერს ისიც ემატება რომ Apple-ი კატეგორიულად წინააღმდეგია USB-C პორტის, არადა, USB-C ევროპარლამენტში ერთადერთ ლეგალურ ტიპად შერაცხეს.
მთავარი მიზეზი იმისა თუ რატომ გააქტიურდა ეს საკითხი iPhone 13-ის გამოსვლამდე 11 თვით ადრე — არის ჯონ პროსერი. ცნობილმა YouTube-ერმა ჯონ პროსერმა 24 ნოემბერს მოულოდნელად განაცხადა რომ iPhone 13-ის ოთხი მოდელიდან ერთ-ერთი მაინც იქნება ისეთი, რომელსაც არ ექნება არცერთი პორტი. ღირს თუ არა დავიჯეროთ ჯონ პროსერის? გეტყვით რომ მისი 131 პროგნოზიდან 108 აღმოჩნდა ზუსტი, ხოლო 23-ში შეცდა. ანუ, შეიძლება ითქვას რომ ალბათობა 82,4%-ია.
