როგორც ავტორიტეტულმა ანალიტიკოსმა Ming Chi Kuo-მ დაწერა, ახალი M3 პროცესორების მასობრივი წარმოება 2023 წლის მეორე ნახევარში დაიწყება.
მისი თქმით M3 პროცესორების წარმოება M3 Pro-სა და M3 Max-ის პროცესორებზე ადრე დაიწყება. Apple-მა M3 პროცესორი უნდა გამოიყენოს 13 ინჩიან MacBook Air-ში, 13 ინჩიან MacBook Pro-ში, 24 ინჩიან iMac-ში და Mac mini-ში. რაც შეეხება მაღალი დონის M3 Pro-სა და M3 Max-ს, ისინი გამოიყენება 14 და 16 ინჩიან MacBook Pro-ებში, რომელსაც 2024 წლის პირველ ნახევარში ველოდებით.
M3 პროცესორი სავარაუდოდ Apple-ის პარტნიორ TSMC-თან დამზადდება და წინა თაობის M2-თან შედარებით (5) იგი 3 ნანომეტრიანი იქნება. 3 ნმ. ჩიპისგან მნიშვნელოვან გაუმჯობესებას და ენერგოეფექტურობას ველოდებით. [MacRumors]
