უკვე ვიცით რომ Apple-ი ღონისძიებას 20 აპრილს გამართავს, თუმცა დიდი ხნის განმავლობაში ღონისძიებას 23 მარტს ველოდებოდით. თითქოს Apple-მა გამოგვცადა, გვაფიქრებინა რომ ღონისძიება აღარ იქნებოდა და უცბათ ჰოპ, 20 აპრილი.
მიუხედავად იმისა რომ ღონისძიების დევიზი საკმაოდ ამბიციურად გამოიყურება (Spring Loaded) და ბევრი მოწყობილობის მოლოდინს გვიქმნის, რაიმე საგანგებოს და ინოვაციურს არ უნდა ველოდოთ. თუ 23 მარტისთვის კარგად არ ვიცოდით რა უნდა გვენახა, ახლა ბევრი რამ თითქმის დაზუსტებულია.
Apple-მა საგაზაფხულო ღონისძიების გარეშე არ დაგვტოვა
პირველ რიგში, ჩვენ თითქმის გავარკვიეთ რომ აღარ იქნება AirTag-ი. Apple-მა გააკეთა ბევრად უფრო ამბიციური რამ, მან გააკეთა მთელი ეკოსისტემა, რომლის საშუალებითაც თითქმის ყველა ნივთის მოძებნა შესაძლებელია. (ყურსასმენი, ველოსიპედი, მანქანა და ა.შ)
მეორე, სავარაუდოდ არ იქნება iMac M1X-ს წარდგენაც, რადგან ეს Apple-ისთვის არატრადიციული დროა. Apple-ი კომპიუტერებს ძირითადად შემოდგომას ანახლებს, სავარაუდოდ წლის ბოლოს ყველას ერთად ვიხილავთ.
რასაც ველოდებით: iPad Pro
რა უნდა განახლდეს? დიდი არაფერი.
ველოდებით ახალ MiniLED ეკრანს, რომელიც უფრო მაღალი ხარისხის გამოსახულებას მოგვცემს და მთავარი: არსებობს ალბათობა რომ ახალ iPad Pro-ში წარმოდგენილი პროცესორი A14X – M1-ს ბაზაზე იქნება აგებული. + უნდა ვიხილოთ ახალი Apple Pencil-იც.
და AirPods 3
ეს პერიოდი AirPods-ის გასაახლებლად Apple-ისთვის ჩვეული დროა, თუმცა ზოგიერთი წყარო მიიჩნევს რომ ის ახლა არ გამოვა.
AirPods 3 სავარაუდოდ ყურის ბალიშების გარეშე იქნება, თუმცა AirPods Pro-ს ფორმას მიიღებს, ის AirPods 2-ისგან განსხვავებით ბევრ ახალ ფუნქციას მიიღებს. სავარაუდო ფასი 200 დოლარია.
ღონისძიების ყურება Apple-ის YouTube არხზე და Apple-ის საიტზე იქნება შესაძლებელი.
