რას უნდა ველოდოთ WWDC 2024-ზე, რაც დანამდვილებით ვიცით — iOS 18, iPadOS 18, macOS 15, tvOS 18, watchOS 11, visionOS 2.
WWDC ძირითადად ეხება პროგრამულ უზრუნველყოფას, ოპერაციული სისტემები არის მთავარი მიმზიდველობა. თუმცა გვინახავს მოწყობილობებიც და სხვა საინტერესო სიახლეებიც.
Apple-ის დასახელების ჩვეული კონვენციების მიხედვით, ოპერაციული სისტემები უნდა იყოს დანომრილი iOS 18, iPadOS 18, tvOS 18 და watchOS 11, VisionOS 2. დარწმუნებული ვარ რომ macOS ამჯერად იქნება მე-15 ვერსია, მაგრამ სახელი ჯერ კიდევ საიდუმლოა. წინა წლებში ამ დროისთვის სახელი უკვე ვიცოდით ხოლმე.
ეს ყველაფერი კარგია, თუმცა წლევანდელ WWDC-ს ღონისძიებას განსაკუთრებულად სხვა რამის გამო ველოდებით და ეს არის AI.
2023 წლის ოქტომბრის ადრეულმა ჭორებმა გააჩინა იდეა, რომ iOS 18-ის გამოშვება უფრო მეტად იქნება ორიენტირებული ხელოვნურ ინტელექტზე, ვიდრე Apple-ს თავდაპირველად ჰქონდა ჩაფიქრებული. ეს აშკარად მოიცავდა შიდა ჩეთბოტის შექმნას სახელწოდებით “Apple GPT” და გენერაციული AI-ის გამოცდას.
როგორც ჩანს Apple-ი აპირებს რეალურად ჩართოს ChatGPT და OpenAI თავის გეგმებში.
მას შემდეგ Apple-მა პრაქტიკულად დაადასტურა მინიშნებებით რომ AI იქნება ამ ღონისძიების დიდი თემა.
არსებობს რწმენა რომ iOS 18-ში Apple შეიტანს AI-ს თავის სხვადასხვა სერვისებში.
მაგალითად შესაძლოა დეველოპერებმა შეძლონ კოდის დაწერა Xcode-ში AI-ს დახმარებით და შეამცირონ საკუთარი შრომა.
ასევე როდესაც საქმე ეხება პასუხების გენერირებას, Siri-მ შესაძლოა გამოიყენოს ახალი ჭკვიანი რეაგირების ჩარჩო, რომელიც ითვალისწინებს ადამიანებს, კომპანიებს, კალენდარულ მოვლენებს, მდებარეობებს, თარიღებს და სხვა ერთეულებს.
აპლიკაციებში, როგორიცაა Photos, Apple-ს შეუძლია გამოიყენოს AI სურათების რედაქტირება. არსებობს ჭორები, რომ მან შექმნა ფუნქცია სახელწოდებით Clean Up, რომელიც მომხმარებლებს საშუალებას მისცემს ამოიღონ ელემენტი სურათიდან გენერაციული ხელოვნური ინტელექტის გამოყენებით.
მოკლედ, ჭორების მიხედვით Apple-ის მოყვარულებს შეგვიძლია პოზიტიურად დაველოდოთ ღონისძიებას. ასევე, შეგახსენებთ რომ ტიმ კუკმა ინვესტორებს განუცხადა რომ კომპანია ხელოვნური ინტელექტის ბაზარზე „გარღვევას” მოახდენს.
