სტივი მოგეხსნებათ Apple-ში 90-ანი წლების ბოლოს დაბრუნდა და თავისი შექმნილი კომპანიის გადარჩენის გეგმას შეუდგა.
თავდაპირველად კომპანიამ შეწყვიტა იმ დროისთვის ერთ-ერთი არაპერსპექტიული მოწყობილობის წარმოება — MessagePad. ამის შემდეგ კომპანიამ გამოუშვა ლედენდარული iMac-ის პირველი თაობა. ეს იყო პირველი მოწყობილობა რომელიც შეიქმნა სტივ ჯობსისა და ჯონათან აივის მჭიდრო თანამშრომლობით.
როგორ გამოჩნდა Apple-ის პირველი ორი მაღაზია
მაკლინი, ვირჯინია.
ჯობს არ მოსწონდა ის ფაქტი რომ Apple-ის პროდუქიცა მხოლოდ ელექტრონიკის მაღაზიებში იყიდებოდა, რომელ მაღაზიებშიც მიზანმიმართულად უნდა წასულიყავი კონკრეტული რამის საყიდლად. სტივს არ მოსწონდა ის რომ ადამიანებს შოპინგის ან სავაჭრო ცენტრში სეირნობის დროს არ შეიძლებოდა შეხვედროდათ Apple-ის პროდუქცია.
გარდა ამისა, გაჯეტები ერთ თაროზე იყო ხოლმე განთავსებული და კონსულტანტებმა ხშირად არ იცოდნენ რა შეეძლო ამ მოწყობილობებს. ასევე მომხმარებლებს არ შეეძლოთ გამოეყენებინათ და სხვადასხვა მოწყობილობა შეედარებინათ ერთმანეთისთვის.
Apple-მა არამხოლოდ დაგეგმა, არამედ დააპატენტა ყველა წვრილმანი
სტივს ყოველთვის სურდა Apple-ის პროდუქტებისა და მომხმარებლებს შორის პირდაპირი კონტაქტი. ამის მიღწევა შეუძლებელი იყო ონლაინ გაყიდვებით, ან მესამე მხარის კომპანიებით, სადაც არასწორო კონსულტანტების ფენა იყო.
იმ დროისთვის უკვე არსებობდა ტანსაცმლის და მანქანების ბრენდების საცალო მაღაზიები. სტივმა ასეთი მაღაზიებიდან აიღო საუკეთესო კომპონენტები და დაამატა ვაშლის მაგია.
ასე რომ, ჯობსმა პირადად წარადგინა პირველი მაღაზია კომპანიის ერთ-ერთ კონფერენციაზე, მის გახსნამდე ერთი კვირით ადრე.
ჯობსმა და თავდადებულმა თანამშრომლებმა 6 თვე გაატარეს ცხარე კამათში, სადაც ყველაფერი დეტალურად იგეგმებოდა.
გლენდეილი, კალიფორნია.
პირველი Apple Store-ის პრეზენტაციაზე სტივ ჯობსმა თქვა:
„ადამიანებს არ სურთ მხოლოდ პერსონალური კომპიუტერების ყიდვა, მათ სურთ იცოდნენ, რისი გაკეთება შეუძლიათ მათთან.“
ასე რომ, ყველა Apple Store-ის საფუძველი გახდა დიდი სადემონსტრაციო ადგილი. პირველ ორ მაღაზიაში მან დაიკავა გამოყენებული სივრცის მინიმუმ 50%-ი. გაჯეტები იყო არა შუშით დაფარულ ვიტრინაში, არამედ ჩვეულებრივ სამუშაო მაგიდაზე, ჩართული და ინტერნეტთან დაკავშირებული.
Apple-ის თითოეულ მაღაზიას სწორად უნდა შეეთავსებინა Apple-ის მარკეტინგის პრინციპები და ფილოსოფია. ასევე გადაწყდა ყველა მომავალი მაღაზიის ინდივიდუალურად დაპროექტება თავშეკავებული მინიმალიზმის ზოგადი სტილით. ინტერიერში დომინირებდა ქვა, ხე, ფოლადი და მინა.
2001 წლის მაისში, ორი მაღაზია ერთდროულად გაიხსნა, გლენდეილში, კალიფორნია და მაკლინში, ვირჯინია.
