Apple-მა ახალი AirPods Max-ი წარმოგვიდგინა, რომელსაც ხმაურის გაუქმების, სივრცული ხმისა (Spatial audio) და ადაპტაციური გამათანაბრებელის (Adaptive EQ) შესაძლებლობა აქვს.
AirPods Max-ი არის Apple-ის პირველი დახურული ყურსასმენი. ამ დიზაინისა და H1 პროცესორის წყალობით, ის უზრუნველყოფს ხმის გასაოცარ ხარისხს.
ყურის ბალიშები და ზედა ნაწილი ისეთი მასალისგანაა დამზადებული რომ იგი თანაბრად ანაწილებს წონას და ათავისუფლებს თავზე ზეწოლას.
ყურსასმენის ზედა ნაწილი დამზადებულია უჟანგავი ფოლადისაგან, მისი დარეგულირება ნებისმიერი თავის ფორმისთვის შესაძლებელია.
ყურსასმენის „ყურის“ ნაწილები მზადდება ანოდირებული ალუმინისაგან, მათ ერთმანეთისაგან დამოუკიდებლად შეუძლიათ ბრუნვა.
მარჯვენა მხარეს აქვს Digital Crown, რომელსაც Apple Watch-ის მომხმარებლები კარგად იცნობენ. მისი საშუალებით შეგიძლიათ აკონტროლოთ მუსიკის ხმა, დააპაუზოთ მუსიკა, გამოტოვოთ ტრეკები, უპასუხოთ ზარებსა და გაააქტიუროთ Siri. Digital Crown ასევე პასუხისმგებელია ხმაურის გაუქმების რეჟიმისა და გამჭირვალობის რეჟიმის ჩართვაზე.
AirPods Max-ი იყენებს 8 მიკროფონს: 6-ს გარე ხმაურის ასაღებად, ხოლო 2-ს შიგნიდან რომელსაც მომხმარებელი ისმენს. გარე მიკროფონები ასევე გამოიყენება ზარების დროს.
თითოეულ მხარეს აქვს 10 ბირთვიანი H1 ჩიპი, ის საჭიროა ხმაურის გაუქმების რეჟიმისა და აგრეთვე ხმის კორექტირებისათვის.
„სივრცული აუდიოს“ მხარდაჭერის წყალობით ფილმებისა და სერილების ყურების დროს ისეთი შეგრძნება დაგეუფლებათ როგორც კინოთეატრში.
ყურსასმენი მაშინვე შეწყვეტს დაკვრას, როდესაც მას მოიხსნით. ასევე მას აქვს Hey Siri-ს მხარდაჭერა და შეგიძლიათ შემოსული შეტყობინებების მოსმენა. AirPods Max-ს აქვს სტანდარტული Lightning პორტი — ანუ მისი მოსმენა კაბელითაც შეგიძლიათ.
AirPods Max-ი მოითხოვს iOS 14.3, macOS Big Sur 11.1, watchOS 7.2 და tvOS 14.3.
ფასი
მისი ფასი 549 დოლარია. გაყიდვები უკვე დაიწყო და მაღალი მოთხოვნის გამო მოწყობილობა შესაძლოა 4-5 კვირა ვერ მიიღოთ.
