ჩვენს ქვეყანაში ცხელი ზაფხული დადგა, რაც იმას ნიშნავს რომ იმატა სმარტფონების და პლანშეტების გადახურების პრობლემებმა. ძალიან სასიამოვნოა წიგნის კითხვა, ფილმების ყურება ან რაიმეს მოსმენა სმარტფონით, აუზზე, ზღვაზე თუ ბუნებაში.
ზღვის სანაპირო და აუზი სმარტფონისთვის საკმაოდ ექსტრემალური ადგილია.
ამ სტატიაში ვისაუბრებთ იმაზე თუ როგორ უნდა აიცილოთ თავიდან ასეთი შემთხვევა და რა უნდა გააკეთოთ თუ ასეთ შეტყობინებას მიიღებთ.
ყველაზე კარგი რჩევა რაც ამასთან დაკავშირებით მომისმენია, არის ის რომ მოწყობილობა ასეთ დროს თან არ უნდა წავიღოთ. ერთის მხრივ ეს კარგი რჩევაა, თუმდა ყველას ასე არ შეუძლია. ზოგს მცირეწლოვანი ბავშვი ჰყავს, ზოგს ხანდაზმული მშობელი, ზოგს კი საქმე აქვს.
როგორ ავიცილოთ თავიდან ასეთი შემთხვევა
— არ დადოთ სმარტფონი მანქანის წინა მხარეს მართვის დროს. მზის შუქის უმეტესი ნაწილი მანქანაში საქარე მინიდან შედის, პანელი თბება და მასთან ერთად ყველაფერი რაც იქ დევს. უმჯობესია მოწყობილობა სათავსოში ჩადოთ ან საერთოდ არ ამოიღოთ ჯიბიდან.
— არ დატენოთ თქვენი გაჯეტი მზის შუქზე. Powerbank-ის გამოყენებაც კი არ დაგიცავთ გადახურებისგან. ნებისმიერი დატენვა ზრდის მოწყობილობის ტემპერატურას, ამიტომ უმჯობესია ეს მანიპულაციები წინასწარ გააკეთოთ.
— არ ითამაშო. ეს ეხება არა მხოლოდ ზოგიერთ მძიმე თამაშს, არამედ ყველას. ნებისმიერი თამაში ზრდის პროცესორზე დატვირთვას და ეს თავის მხრივ იწვევს ტემპერატურის მატებას. თბება არა მხოლოდ გარედან, არამედ შიგნიდანაც. ასეთ შემთხვევაში გათიშვის ალბათობა მაქსიმალურია.
— გამორთეთ ავტომატური სიკაშკაშე და შეცვალეთ იგი თავად. მზის პირდაპირ შუქზე, სინათლის სენსორი ავტომატურად აიწევს მაქსიმუმზე, რათა ინფორმაციის წაკითხვა მარტივი გახადოს. ასეთ შემთხვევაში გადახურების ალბათობა გაიზრდება.
— არ დატოვოთ თქვენი სმარტფონი ღია ცის ქვეშ მზეზე, სადაც არ უნდა იყოთ. ეცადეთ თქვენი მოწყობილობა ჩრდილში შეინახოთ. თუ არ არის დაჩრდილული ადგილი, მაშინ ჩადეთ ზურგჩანთაში ან გადააფარეთ ნაჭერი.
რა უნდა გააკეთოთ თუ iPhone-ი გადახურდა და აღარ ირთვება
რჩევების მიუხედავად, iPhone-უ თუ მაინც გადაგიხურდათ და გადავიდა ფოტოზე ნაჩვენებ რეჟიმზე, ის უბრალოდ უნდა მოათავსოთ გრილ ადგილას, სადაც მზე არ აღწევს. მნიშვნელოვანია: არ მოათავსოთ ის საყინულეში ან მაცივარში. ტემპერატურის უეცარმა ცვლილებამ შეიძლება უარყოფითად იმოქმედოს მოწყობილობაზე.
გაგრილებას გარკვეული დრო დასჭირდება. მიუხედავად იმისა რომ ძალიან იშვიათად, მაგრამ მაინც არსებობს ისეთი შემთხვევებიც რომ iPhone-ი გაგრილდა მაგრამ აღარ ჩაირთო, გირჩევთ რომ ამ დროს სერვის ცენტრს მიმართოთ.
ასევე შეგახსენებთ რომ Apple-ის ოფიციალური რეკომენდაციით, iPhone-ის გამოყენება დაშვებულია 0-დან 35 გრადუსი ცელსიუსამდე.
