თუ თქვენ ოდესმე გამოგიყენებიათ Apple Watch-ის ფანარი, მაშინ გეცოდინებათ რომ ასევე გვაქვს წითელი რეჟიმი. Apple-ს არასდროს უსაუბრია მისი არსებობის შესახებ და არც აუხსნია რისთვის არის ეს საჭირო.
სინამდვილეში, ეს არის ჭკვიანი საათის ძალიან სასარგებლო ფუნქცია, რომელსაც მაგალითად კითხვის დროს გამოიყენებთ.
Apple Watch-ის ფანარი საკმაოდ სასარგებლოა, ზოგიერთ სიტუაციაში ის ბევრს ეხმარება (მათ შორის მეც). უბრალოდ, კაშკაშა თეთრმა შუქმა სიბნელეში, სხვებს შეიძლება ხელი შეუშალოს. მაგალითად სახლში თუ მარტო არ ცხოვრობთ, ან თეატრში იმყოფებით.
ამ უხერხულობის თავიდან ასაცილებლად, Apple-მა Apple Watch-ზე წითელი ფანარი დაამატა.
მაგალითად თქვენს საათზე თუ Cinema რეჟიმს ჩართავთ, იმ დროს Apple Watch-ის ფანარი პირდაპირ წითლად ჩაირთვება, სხვა შემთხვევაში კი ძირითადი ფანარი ისევ თეთრად გაანათებს.
ამას გარდა, თუ თქვენ იმყოფებით ქალაქგარეთ ბუნებაში და გჭირდებათ შუქი, მაშინ წითელი შუქი შეგიძლიათ თამამად აანთოთ, რადგან იგი არ მიიპყრობს მწერებისა და სხვა ცოცხალი არსებების ყურადღებას.