რატომ აქვს აიფონს 3.5″ ეკრანი

სტივ ჯობსის ერთ-ერთი ნაკლებად ცნობილი ფრაზა “დიზაინი არაა ის, თუ როგორ გამოიყურება ესა თუ ის ნივთი. დიზაინი არის ის, თუ როგორ მუშაობს”  კარგად ესადაგება აიფონს და კერძოდ მისი ეკრანის ზომას, ამბობს ტექნოლოგიური ბლოგი TUAW.  ბლოგმა გამოაქვეყნა სურათები, რომელშიც შეადარა iPhone 4  და მისი ყველაზე მთავარი კონკურენტი Samsung Galaxy II S.  აიფონის ეკრანის დიაგონალის ზომაა 3,5 დუიმი, ხოლო სამსუნგის კი 4.2. როგორც აღმოჩნდა, ერთი ხელით მანიპულაციებისას აიფონის ეკრანის ზომა იძლევა იმის საშუალებას, რომ მომხმარებელმა ერთი თითით დაფაროს აიფონის ეკრანის მაქსიმალური ზედაპირი, ხოლო სამსუნგის ეკრანის შემთხვევაში ეს შეუძლებელია, როგორც ჩანს ზემოთ მოყვანილ სურათზე და რომელიც ბევრ შემთხვევაში საკმაოდ მოუხერხებლი შეიძლება აღმოჩნდეს. ეს ის კლასიკური მომენტია ინდუსტრიული დიზაინის სამყაროში, როდესაც აპარატურის ფიზიკური პარამეტრების ძლიერი მხარეები თითქმის შეუმჩნეველია მომხმარებელთათვის იქამდე, სანამ სხვა მოწყობილობაზე არ დაინახავენ საპირისპირო შედეგს.

წყარო